30 лістапада, Мінск /Кар. БЕЛТА/. Галалёдзіца і начныя маразы да мінус 14 градусаў чакаюцца ў Беларусі 1 снежня, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У чацвер будзе пераменная воблачнасць. Чакаецца без істотных ападкаў. На асобных участках дарог галалёдзіца. Вецер усходні 3-8 м/с.
Тэмпература паветра ўначы складзе мінус 6-12 градусаў, месцамі будзе да 14 градусаў марозу. Па паўднёвым захадзе тэмпература паветра панізіцца да 2-5 градусаў. Удзень будзе ад 1 да 7 градусаў марозу.-0-