Фота з архіва
17 лютага, Мінск /Кар. БЕЛТА/. У Беларускім дзяржаўным універсітэце адкрыецца адзіная ў краіне ўнікальная спецыяльнасць "афрыканістыка", якая забяспечвае комплексную падрыхтоўку высокакваліфікаваных спецыялістаў для ўзаемадзеяння з краінамі Афрыкі. Аб гэтым паведамілі БЕЛТА ў прэс-службе ВНУ.
З'явіцца новая спецыяльнасць на факультэце міжнародных адносін, набор стартуе ў новым навучальным годзе. "У аснове адукацыйнай праграмы па "афрыканістыцы" - міждысцыплінарны падыход, які прадугледжвае спалучэнне глыбокіх ведаў сацыякультурнай сітуацыі ў рэгіёне, перакладчыцкіх кампетэнцый і навыкаў работы з камп'ютарнымі тэхналогіямі для апрацоўкі тэкстаў і статыстычных даных. На працягу чатырох з палавінай гадоў студэнты спецыяльнасці будуць вывучаць гісторыю Афрыканскага кантынента, эканоміку, паліталогію і міжнародныя адносіны, краіназнаўства і рэгіёназнаўства. Навучэнцы асвояць маўленчую практыку афрыканскіх моў і асновы вядзення перагавораў з улікам рэгіянальнай спецыфікі. Таксама пабудова дыпламатычных адносін з краінамі Афрыкі патрабуе спецыяльных ведаў у галіне семіцкай і афрыканскай філалогіі. На першым этапе падрыхтоўкі прапануецца навучанне арабскай і еўрапейскай мовам, якія выкарыстоўваюцца ў Афрыцы, такім як французская, партугальская і іншыя. Па меры развіцця праграмы плануецца адкрыццё курса па вывучэнні афрыканскіх моў", - расказалі ў прэс-службе.
Набор на спецыяльнасць "афрыканістыка" будзе ажыццяўляцца на бюджэтную і платную формы навучання, таксама магчымы мэтавы набор з асобным унутраным экзаменам. Падрыхтоўка студэнтаў будзе ісці ў цесным узаемадзеянні з заказчыкамі кадраў - ужо ёсць папярэднія дамоўленасці аб чытанні лекцый, правядзенні практычных заняткаў і майстар-класаў з Міністэрствам замежных спраў Беларусі. Акрамя таго, шматгадовае супрацоўніцтва БДУ з вядучымі цэнтрамі падрыхтоўкі спецыялістаў-афрыканістаў у Расіі і ўніверсітэтамі Зімбабвэ, ПАР і Кеніі дасць магчымасць арганізаваць студэнцкі абмен і стажыроўкі выкладчыкаў. Пасля заканчэння навучання студэнтам прысвояць кваліфікацыю "Афрыканіст. Перакладчык". Выпускнікі змогуць працаваць у органах дзяржаўнага кіравання, інстытутах, навукова-даследчых арганізацыях і ведамствах, якія займаюцца інфармацыйна-аналітычнай работай, бізнес-структурах, якія арыентаваны на знешнія рынкі, беларускіх дыпламатычных, гандлёвых, эканамічных і культурных прадстаўніцтвах за мяжой, а таксама аказваюць кансультатыўныя і экспертныя паслугі.
"Сёння навучанне па гэтым профілі вядзецца ва ўсіх вядучых універсітэтах свету. Імклівае развіццё цікавасці да афрыканістыкі звязана з умацаваннем шматвектарнай сусветнай знешняй палітыкі і прыхільнасці дзяржаў да канцэпцыі шматпалярнага свету. Важнасць паглыблення беларуска-афрыканскіх сувязей асабліва падкрэслівае Прэзідэнт Беларусі Аляксандр Лукашэнка", - адзначылі ў БДУ.
Таксама з 2025 года на спецыяльнасць "усходазнаўства" факультэта міжнародных адносін БДУ будзе праводзіцца прыём на навучанне тэрмінам 5,5 года. Праграма прадугледжвае вывучэнне дзвюх усходніх моў і англійскай. Па выніку навучання выпускнікам прысвояць ступень магістра. Акрамя таго, у новым навучальным годзе запланавана адкрыццё такіх спецыяльнасцей, як "інтэлектуальная электроніка" на факультэце радыёфізікі і камп'ютарных тэхналогій, "міжнародная эканоміка і гандаль (з паглыбленым вывучэннем кітайскай мовы)" на эканамічным факультэце пры ўдзеле Рэспубліканскага інстытута кітаязнаўства імя Канфуцыя БДУ, "камп'ютарнае мадэляванне і распрацоўка вэб-дадаткаў" на факультэце сацыякультурных камунікацый БДУ.-0-
З'явіцца новая спецыяльнасць на факультэце міжнародных адносін, набор стартуе ў новым навучальным годзе. "У аснове адукацыйнай праграмы па "афрыканістыцы" - міждысцыплінарны падыход, які прадугледжвае спалучэнне глыбокіх ведаў сацыякультурнай сітуацыі ў рэгіёне, перакладчыцкіх кампетэнцый і навыкаў работы з камп'ютарнымі тэхналогіямі для апрацоўкі тэкстаў і статыстычных даных. На працягу чатырох з палавінай гадоў студэнты спецыяльнасці будуць вывучаць гісторыю Афрыканскага кантынента, эканоміку, паліталогію і міжнародныя адносіны, краіназнаўства і рэгіёназнаўства. Навучэнцы асвояць маўленчую практыку афрыканскіх моў і асновы вядзення перагавораў з улікам рэгіянальнай спецыфікі. Таксама пабудова дыпламатычных адносін з краінамі Афрыкі патрабуе спецыяльных ведаў у галіне семіцкай і афрыканскай філалогіі. На першым этапе падрыхтоўкі прапануецца навучанне арабскай і еўрапейскай мовам, якія выкарыстоўваюцца ў Афрыцы, такім як французская, партугальская і іншыя. Па меры развіцця праграмы плануецца адкрыццё курса па вывучэнні афрыканскіх моў", - расказалі ў прэс-службе.
Набор на спецыяльнасць "афрыканістыка" будзе ажыццяўляцца на бюджэтную і платную формы навучання, таксама магчымы мэтавы набор з асобным унутраным экзаменам. Падрыхтоўка студэнтаў будзе ісці ў цесным узаемадзеянні з заказчыкамі кадраў - ужо ёсць папярэднія дамоўленасці аб чытанні лекцый, правядзенні практычных заняткаў і майстар-класаў з Міністэрствам замежных спраў Беларусі. Акрамя таго, шматгадовае супрацоўніцтва БДУ з вядучымі цэнтрамі падрыхтоўкі спецыялістаў-афрыканістаў у Расіі і ўніверсітэтамі Зімбабвэ, ПАР і Кеніі дасць магчымасць арганізаваць студэнцкі абмен і стажыроўкі выкладчыкаў. Пасля заканчэння навучання студэнтам прысвояць кваліфікацыю "Афрыканіст. Перакладчык". Выпускнікі змогуць працаваць у органах дзяржаўнага кіравання, інстытутах, навукова-даследчых арганізацыях і ведамствах, якія займаюцца інфармацыйна-аналітычнай работай, бізнес-структурах, якія арыентаваны на знешнія рынкі, беларускіх дыпламатычных, гандлёвых, эканамічных і культурных прадстаўніцтвах за мяжой, а таксама аказваюць кансультатыўныя і экспертныя паслугі.
"Сёння навучанне па гэтым профілі вядзецца ва ўсіх вядучых універсітэтах свету. Імклівае развіццё цікавасці да афрыканістыкі звязана з умацаваннем шматвектарнай сусветнай знешняй палітыкі і прыхільнасці дзяржаў да канцэпцыі шматпалярнага свету. Важнасць паглыблення беларуска-афрыканскіх сувязей асабліва падкрэслівае Прэзідэнт Беларусі Аляксандр Лукашэнка", - адзначылі ў БДУ.
Таксама з 2025 года на спецыяльнасць "усходазнаўства" факультэта міжнародных адносін БДУ будзе праводзіцца прыём на навучанне тэрмінам 5,5 года. Праграма прадугледжвае вывучэнне дзвюх усходніх моў і англійскай. Па выніку навучання выпускнікам прысвояць ступень магістра. Акрамя таго, у новым навучальным годзе запланавана адкрыццё такіх спецыяльнасцей, як "інтэлектуальная электроніка" на факультэце радыёфізікі і камп'ютарных тэхналогій, "міжнародная эканоміка і гандаль (з паглыбленым вывучэннем кітайскай мовы)" на эканамічным факультэце пры ўдзеле Рэспубліканскага інстытута кітаязнаўства імя Канфуцыя БДУ, "камп'ютарнае мадэляванне і распрацоўка вэб-дадаткаў" на факультэце сацыякультурных камунікацый БДУ.-0-
Падпісвайцеся на нас у
