ДЗЯРЖОРГАНЫДЗЯРЖОРГАНЫ
Флаг Пятніца, 7 кастрычніка 2022
Мінск Ясна +7°C
Усе навіны
Усе навіны
Грамадства
08 жніўня 2022, 20:00

На ўборцы ўраджаю вызначыліся 69 маладых вадзіцеляў-тысячнікаў і 2 двухтысячнікі

Фота з архіва
Фота з архіва

8 жніўня, Мінск /Кар. БЕЛТА/. На ўборцы ўраджаю вызначыліся 69 маладых вадзіцеляў-тысячнікаў і 2 двухтысячнікі, паведаміла карэспандэнту БЕЛТА сакратар ЦК БРСМ Вераніка Гудкова.

"Сёння на ўборцы задзейнічаны 756 маладзёжных экіпажаў і 538 маладых вадзіцеляў. 69 маладых вадзіцеляў ужо перавезлі больш як 1 тыс. т збожжа кожны. Так, Уладзіслаў Шапоткін з ААТ "Рассвет" імя К.П. Арлоўскага Магілёўскай вобласці перавёз 2513,4 т збожжа, а Канстанцін Алішэўскі з ААТ "Чамярыскі" Гомельскай вобласці - 2444 т збожжа", - расказала Вераніка Гудкова.

Усяго маладыя вадзіцелі перавезлі 205 514,14 т збожжа.

Беларускі рэспубліканскі саюз моладзі праводзіць рэспубліканскі праект "Моладзь - за ўраджай". Традыцыйна праект праходзіць ва ўсіх рэгіёнах краіны ў перыяд уборачнай кампаніі. Яго мэта - павышэнне прадукцыйнасці працы маладых працаўнікоў вёскі, занятых на ўборцы ўраджаю, заахвочванне іх працоўнай ініцыятывы, папулярызацыя сельскагаспадарчай працы і прафесій аграрнага профілю.

Спаборніцтвы праходзяць у дзвюх намінацыях: "Маладзёжны экіпаж камбайнераў, які дасягнуў найбольшага намалоту" і "Малады вадзіцель, які перавёз найвышэйшую колькасць зернебабовых культур". Пераможцамі становяцца першыя экіпажы-тысячнікі і вадзіцелі, якія занялі прызавыя месцы ў працоўным спаборніцтве па выніках уборачнай кампаніі. Таксама першыя сакратары тэрытарыяльных камітэтаў і сакратары пярвічных сельскагаспадарчых арганізацый абазначаюць уборачную тэхніку, на якой працуе моладзь, спецыяльнымі наклейкамі "Маладзёжны экіпаж" і "Малады вадзіцель".

Непасрэдна на палях арганізаваны ўшаноўванні маладых лідараў уборачнай кампаніі з уручэннем пераможцам дыпломаў, вымпелаў і памятных падарункаў. Бацькам будуць накіраваны падзячныя пісьмы за дастойнае выхаванне сыноў і дачок і прывітую ім любоў да працы на роднай зямлі.

Важным складнікам праекта "Моладзь - за ўраджай" стане комплексная інфармацыйная кампанія на афіцыйных інтэрнэт-рэсурсах БРСМ, а таксама ў групах маладзёжнай арганізацыі ў сацыяльных сетках пад хэштэгамі #молодежьзаурожай, #жатвабеларуси2022, #роднаенароднае.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі