ДЗЯРЖОРГАНЫДЗЯРЖОРГАНЫ
Чацвер, 6 жніўня 2020
Мінск Ясна +19°C
Усе навіны
Усе навіны
Грамадства
10 ліпеня 2020, 15:00

На ЦТ па грамадазнаўстве 100 балаў набралі 44 абітурыенты

Фота з архіва
Фота з архіва

10 ліпеня, Мінск /Кар. БЕЛТА/. На цэнтралізаваным цэсціраванні па грамадазнаўстве 100 балаў набралі 44 абітурыенты, паведаміў карэспандэнту БЕЛТА дырэктар Рэспубліканскага інстытута кантролю ведаў Юрый Міксюк.

Рэзультаты ЦТ па грамадазнаўстве ўжо даступны абітурыентам у асабістых кабінетах на сайце РІКВ. "У гэтым годзе 100 балаў набралі 44 абітурыенты, у мінулым іх было 15", - расказаў Юрый Міксюк.

Як можна заўважыць, колькасць стабальнікаў у гэтым годзе павялічылася фактычна ў тры разы. "Матывацыя і падрыхтоўка абітурыентаў садзейнічае таму, што вялікая іх колькасць набірае абсалютныя рэзультаты", - дадаў дырэктар РІКВ.

ЦТ па грамадазнаўстве праходзіла 29 чэрвеня. Здаваць гэты прадмет планавалі больш як 12,8 тыс. абітурыентаў. З зарэгістраваных не з'явіліся амаль 7 працэнтаў.

Усяго на ЦТ у Беларусі зарэгістраваліся больш як 64 тыс. чалавек. Наступнае ЦТ - па гісторыі Беларусі - пройдзе 12 ліпеня.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі