17 лютага, Мінск /Кар. БЕЛТА/. У ходзе беларуска-расійскага сумеснага аператыўнага вучэння "Саюзная рашучасць-2022" прадаўжаецца выкананне вучэбна-баявых задач. Аб гэтым БЕЛТА паведамілі ў Міністэрстве абароны.
На палігоне "Гожскі" падраздзяленні механізаванай брыгады Узброеных Сіл Беларусі праводзяць знішчэнне праціўніка, які ўклініўся ў абарону.
На палігоне "Брэсцкі" падраздзяленні Паветрана-дэсантных войскаў Узброеных Сіл Расіі ажыццяўляюць дэсантаванне і знішчэнне незаконнага ўзброенага фарміравання.
Падраздзяленні механізаванай брыгады Узброеных Сіл Беларусі і падраздзяленні марской пяхоты Узброеных Сіл Расіі на ўчастку мясцовасці "Баранавічы" вядуць абарончы і наступальны бой на рубяжы манеўранай абароны, а таксама ажыццяўляюць прыкрыццё войскаў ад удараў сродкаў паветранага нападзення праціўніка.
Падраздзяленні сіл спецыяльных аперацый Узброеных Сіл Беларусі на ўчастку мясцовасці "Гомель" ажыццяўляюць ахову аб'ектаў, блакіраванне і знішчэнне дыверсійна-разведвальных груп праціўніка і незаконных узброеных фарміраванняў.
Зенітныя ракетныя падраздзяленні Узброеных Сіл Расіі на ўчастку мясцовасці "Лунінец" ажыццяўляюць проціпаветранае прыкрыццё войскаў. Выконваюцца задачы баявога дзяжурства ППА.
Падраздзяленні спецыяльнага прызначэння Узброеных Сіл Беларусі і Узброеных Сіл Расіі на ўчастку мясцовасці "Мар'іна Горка" вядуць тактыка-спецыяльную падрыхтоўку, арганізуюць засаду разведгрупай спецпрызначэння, выконваюць практыкаванні тактычнай стральбы ноччу.
Мотастралковымі падраздзяленнямі і падраздзяленнямі ПДВ Узброеных Сіл Расіі на ўчастку мясцовасці "Рэчыца" вядзецца размяшчэнне ў раёнах сканцэнтравання, падрыхтоўка да вядзення наступлення, барацьба з дыверсійна-разведвальнымі групамі праціўніка і незаконнымі ўзброенымі фарміраваннямі.
На ўчастках мясцовасці "Асіповічы", "Мазыр", "Палескі", "Пінск" прадаўжаецца выкананне вучэбна-баявых задач у рамках вучэння.-0-
