Мабільная версія
ДЗЯРЖОРГАНЫ

Апошнія навіны
Усе навіны

На першым блоку БелАЭС завершаны тэхналагічныя аперацыі па пробным наборы вакууму

Грамадства 23.09.2019 | 14:54
Фота з архіва
Фота з архіва

23 верасня, Мінск /Кар. БЕЛТА/. Тэхналагічныя аперацыі па пробным наборы вакууму ў кандэнсатары турбаагрэгата пускавога энергаблока нумар 1 Беларускай АЭС паспяхова завершаны, паведамілі БЕЛТА ў кампаніі АСЭ, якая з'яўляецца генпраекціроўшчыкам і генпадрадчыкам будаўніцтва БелАЭС.

"Працэс набору вакууму - паэтапнае зніжэнне ціску ў кандэнсатарнай групе турбаагрэгата, што складаецца з чатырох карпусоў, да неабходнага ўзроўню разрэджвання, - растлумачыў сутнасць працэсу намеснік дырэктара па цепламантажных работах турбіннага аддзялення і агульнастанцыйных сістэм прадстаўніцтва АТ "ІК АСЭ" ў Беларусі Максім Багачко. - Гэта вельмі важная пусканаладачная аперацыя праводзіцца для пацвярджэння працаздольнасці сістэм машыннай залы, герметычнасці вакуумнай сістэмы турбаўстаноўкі і гатоўнасці турбіны да прыёму пары".

Вакуум - адзін з асноўных параметраў, якія ўплываюць на эканамічнасць і эфектыўнасць работы турбаўстаноўкі, яго наяўнасць - абавязковая ўмова для забеспячэння выхаду на рабочыя параметры энергаблока ў цэлым. Кантроль узроўню вакууму і падтрыманне яго ў межах, устаноўленых эксплуатацыйнай інструкцыяй, з'яўляецца абавязковым на працягу ўсяго перыяду работы энергаблока.

"Пробны набор вакууму праводзіцца ў ходзе падрыхтоўкі энергаблока да этапу гарачай абкаткі, які плануецца пачаць у сярэдзіне кастрычніка", - адзначыў віцэ-прэзідэнт-дырэктар праекта па будаўніцтве Беларускай АЭС АТ "ІК АСЭ" Віталь Палянін.

Беларуская АЭС з двума рэактарамі ВВЭР-1200 сумарнай магутнасцю 2400 МВт будуецца па расійскім праекце паблізу Астраўца (Гродзенская вобласць). Першы энергаблок плануецца ўвесці ў эксплуатацыю ў канцы 2019 года, другі - у 2020-м.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Машынабудаванне Беларусі Машынабудаўнічы комплекс Беларусі прадстаўляюць каля 250 вялікіх і сярэдніх арганізацый, у якіх працуюць 192 тыс. чалавек.