ДЗЯРЖОРГАНЫДЗЯРЖОРГАНЫ
Флаг Чацвер, 20 студзеня 2022
Мінск -5°C
Усе навіны
Усе навіны
Грамадства
09 снежня 2021, 11:45

На Асіповіцкім палігоне выпрабоўваюць мадэрнізаваную сістэму залпавага агню "Ураган-М"

Фота вайсковай часці 12147
Фота вайсковай часці 12147

9 снежня, Магілёў /Кар. БЕЛТА/. На Асіповіцкім палігоне 51-й гвардзейскай артылерыйскай брыгады праходзяць выпрабаванні мадэрнізаванай рэактыўнай сістэмы залпавага агню "Ураган-М". Аб гэтым карэспандэнту БЕЛТА паведаміў начальнік Асіповіцкага гарнізона, камандзір вайсковай часці 12147, гвардыі палкоўнік Аляксей Ратушны.

"У мэтах праверкі і падтрымання баявых, тэхнічных і эксплуатацыйных характарыстык праводзяцца дзяржаўныя выпрабаванні, у тым ліку і з баявой стральбой, доследных узораў баявой машыны 9П140МБ і транспартна-зараджальнай машыны 9Т452МБ, - сказаў Аляксей Ратушны. - Гэтыя ўзоры ўяўляюць сабой удасканаленую РСЗА "Ураган-М". Яны створаны беларускімі канструктарамі ААТ "ВОЛАТАЎТА", якім на мадэрнізацыю тэхнікі спатрэбілася 2 гады".

Замест устарэлых РСЗА ЗІЛ-135ЛМ распрацоўшчыкі прымянілі ў якасці базавага шасі аўтамабілі МАЗ-6317. Абноўлены "Ураган" дапоўнены сучаснымі сродкамі сувязі і аўтаматызацыі.

У выпрабаваннях задзейнічаны не толькі распрацоўшчыкі, але і асабовы склад рэактыўнага артылерыйскага дывізіёна 51-й гвардзейскай артылерыйскай брыгады. Таксама за ходам выпрабаванняў назіраў начальнік ракетных войскаў і артылерыі Узброеных Сіл - начальнік упраўлення ракетных войскаў і артылерыі Генеральнага штаба УС генерал-маёр Генадзь Казлоўскі.

"У час выпрабаванняў праведзены баявыя пускі рэактыўных снарадаў, выпрабаваны аўтамабілі ў ходзе маршу па перасечанай мясцовасці і ва ўмовах бездарожжа, - удакладніў начальнік Асіповіцкага гарнізона. - За кошт укаранення новых тэхналогій і наватарскіх ідэй доследныя ўзоры паказалі добрыя вынікі і адпаведнасць заяўленым патрабаванням, якія прад'яўляла Міністэрства абароны да распрацоўкі беларускай сістэмы рэактыўнага залпавага агню".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі