МЗС дало рэкамендацыі беларусам па наведванні Ізраіля

8 жніўня, Мінск /Кар. БЕЛТА/. У сувязі з абвастрэннем сітуацыі на Блізкім Усходзе Міністэрства замежных спраў Беларусі рэкамендуе беларускім грамадзянам без неабходнасці не наведваць Дзяржаву Ізраіль і прымаць рашэнне аб паездцы ў гэту краіну, зыходзячы з развіцця бягучай сітуацыі ў рэгіёне. Аб гэтым БЕЛТА паведамілі ў прэс-службе МЗС.
 
Грамадзянам Беларусі, якія пражываюць або знаходзяцца цяпер у Ізраілі, неабходна прытрымлівацца рэкамендацый ізраільскіх улад, а таксама выконваць правілы асабістай бяспекі, звярнулі ўвагу ў міністэрстве.
 
Тэлефон экстраннай консульскай дапамогі пасольства Беларусі ў Ізраілі (Тэль-Авіў) +972505214819 (кругласутачна).-0-