23 верасня, Мінск /Кар. БЕЛТА/. Міністэрства замежных спраў Беларусі 23 верасня правядзе консульскі дзень, паведамілі БЕЛТА ў прэс-службе знешнепалітычнага ведамства.
У 15.00 на афіцыйнай старонцы ў фэйсбуку прадстаўнікі консульскага ўпраўлення сумесна з прэс-службай міністэрства пачнуць адказваць на пытанні грамадзян па пагадненнях з Еўрапейскім саюзам аб спрашчэнні візавага рэжыму і рэадмісіі.
У інтэрнэт-карыстальнікаў таксама будзе магчымасць пракансультавацца і па іншых пытаннях, адзначылі ў МЗС.-0-