Фота з архіва
7 лютага, Мінск /Кар. БЕЛТА/. Міністэрства сувязі і інфарматызацыі ў 2024 годзе ацаніла ўзровень лічбавага развіцця дзяржаўных органаў, і па выніках гэтага аналізу мытныя органы занялі першае месца ў краіне. Як развіваецца мытня па напрамку лічбавізацыі, у час калегіі, дзе падводзіліся вынікі работы Дзяржаўнага мытнага камітэта ў 2024 годзе і абазначаліся задачы на бягучы, удакладніў старшыня ДМК Уладзімір Арлоўскі, перадае карэспандэнт БЕЛТА.
"У 2024 годзе мы прадоўжылі развіццё тэхналогій аддаленага афармлення дэкларацый у цэнтры электроннага дэкларавання. Дзякуючы аддаленаму выпуску, значна скарочаны час ажыццяўлення мытных аперацый, - звярнуў увагу кіраўнік ДМК. - Сёння да адной гадзіны афармляецца 8 з 10 імпартных партый тавараў і не больш за пяць мінут афармляецца 9 з 10 партый экспартных тавараў. Работу па далейшым скарачэнні часу правядзення мытных аперацый мы прадоўжым".
У 2024 годзе Дзяржаўны мытны камітэт, паводле слоў Уладзіміра Арлоўскага, выканаў усе даручэнні ўрада па пераводзе адміністрацыйных працэдур у электронную форму. Як вынік - на сённяшні дзень у электронны фармат пераведзена 26 адмінпрацэдур у мытнай сферы.
"Мы забяспечылі магчымасць аказання 15 электронных паслуг па атрыманні звестак з інфармацыйных сістэм мытных органаў і прадстаўлення 33 электронных мытных дакументаў. Гэта дало магчымасць бізнесу лічбавізаваць узаемадзеянне з мытняй і практычна выключыць папяровы дакументаабарот, - растлумачыў Уладзімір Арлоўскі. - За 2024 год колькасць транзакцый перасягнула 4,5 млн, што на мільён больш, чым год раней. Таму лагічна, што, паводле ацэнкі Мінсувязі, мытныя органы займаюць першае месца сярод дзяржорганаў па ўзроўні лічбавізацыі".
Было таксама адзначана, што ў жніўні мінулага года мытныя органы Беларусі першымі ў ЕАЭС аформілі электронную пасажырскую дэкларацыю. Падаць яе можна самастойна праз асабісты кабінет на партале НЦЭП альбо з выкарыстаннем дэкларанцкага праграмнага забеспячэння.
"Паслуга аказалася вельмі запатрабаванай сярод дэкларантаў, - зрабіў акцэнт старшыня ДМК. - За паўгода аформлена звыш 38 тыс. такіх мытных дакументаў, у асноўным для выпуску легкавых аўтамабіляў у свабодны абарот. Станоўчы вопыт трэба замацаваць і нарматыўна пашырыць".
У 2024 годзе Дзяржаўнаму мытнаму камітэту ўдалося, акрамя таго, не толькі захаваць аб'ём плацяжоў, якія паступаюць у рэспубліканскі бюджэт ад мытных органаў, але і павялічыць яго на 15 працэнтаў.
"У зменлівых умовах у 2024 годзе ДМК аператыўна мяняў свае тэхналогіі і падыходы, аказваў максімальную дапамогу і падтрымку беларускім экспарцёрам і імпарцёрам у пераадоленні санкцый, дапамагаў выбудоўваць новыя маршруты паставак тавараў, нягледзячы на тое што яны сталі больш складанымі і шматступеньчатымі. Вынікі нашай работы маюць матэрыяльнае выражэнне", - падагульніў старшыня Дзяржаўнага мытнага камітэта Уладзімір Арлоўскі.-0-
"У 2024 годзе мы прадоўжылі развіццё тэхналогій аддаленага афармлення дэкларацый у цэнтры электроннага дэкларавання. Дзякуючы аддаленаму выпуску, значна скарочаны час ажыццяўлення мытных аперацый, - звярнуў увагу кіраўнік ДМК. - Сёння да адной гадзіны афармляецца 8 з 10 імпартных партый тавараў і не больш за пяць мінут афармляецца 9 з 10 партый экспартных тавараў. Работу па далейшым скарачэнні часу правядзення мытных аперацый мы прадоўжым".
У 2024 годзе Дзяржаўны мытны камітэт, паводле слоў Уладзіміра Арлоўскага, выканаў усе даручэнні ўрада па пераводзе адміністрацыйных працэдур у электронную форму. Як вынік - на сённяшні дзень у электронны фармат пераведзена 26 адмінпрацэдур у мытнай сферы.
"Мы забяспечылі магчымасць аказання 15 электронных паслуг па атрыманні звестак з інфармацыйных сістэм мытных органаў і прадстаўлення 33 электронных мытных дакументаў. Гэта дало магчымасць бізнесу лічбавізаваць узаемадзеянне з мытняй і практычна выключыць папяровы дакументаабарот, - растлумачыў Уладзімір Арлоўскі. - За 2024 год колькасць транзакцый перасягнула 4,5 млн, што на мільён больш, чым год раней. Таму лагічна, што, паводле ацэнкі Мінсувязі, мытныя органы займаюць першае месца сярод дзяржорганаў па ўзроўні лічбавізацыі".
Было таксама адзначана, што ў жніўні мінулага года мытныя органы Беларусі першымі ў ЕАЭС аформілі электронную пасажырскую дэкларацыю. Падаць яе можна самастойна праз асабісты кабінет на партале НЦЭП альбо з выкарыстаннем дэкларанцкага праграмнага забеспячэння.
"Паслуга аказалася вельмі запатрабаванай сярод дэкларантаў, - зрабіў акцэнт старшыня ДМК. - За паўгода аформлена звыш 38 тыс. такіх мытных дакументаў, у асноўным для выпуску легкавых аўтамабіляў у свабодны абарот. Станоўчы вопыт трэба замацаваць і нарматыўна пашырыць".
У 2024 годзе Дзяржаўнаму мытнаму камітэту ўдалося, акрамя таго, не толькі захаваць аб'ём плацяжоў, якія паступаюць у рэспубліканскі бюджэт ад мытных органаў, але і павялічыць яго на 15 працэнтаў.
"У зменлівых умовах у 2024 годзе ДМК аператыўна мяняў свае тэхналогіі і падыходы, аказваў максімальную дапамогу і падтрымку беларускім экспарцёрам і імпарцёрам у пераадоленні санкцый, дапамагаў выбудоўваць новыя маршруты паставак тавараў, нягледзячы на тое што яны сталі больш складанымі і шматступеньчатымі. Вынікі нашай работы маюць матэрыяльнае выражэнне", - падагульніў старшыня Дзяржаўнага мытнага камітэта Уладзімір Арлоўскі.-0-
Падпісвайцеся на нас у
