ДЗЯРЖОРГАНЫДЗЯРЖОРГАНЫ
Флаг Нядзеля, 28 лістапада 2021
Мінск +1°C
Усе навіны
Усе навіны
Грамадства
16 лістапада 2020, 16:09

МУС: за парушэнне заканадаўства аб масавых мерапрыемствах 15 лістапада затрыманы больш за 700 чалавек

Фота з архіва
Фота з архіва

16 лістапада, Мінск /Кар. БЕЛТА/. За парушэнне заканадаўства аб масавых мерапрыемствах 15 лістапада затрыманы больш за 700 чалавек. Такую інфармацыю размясціла ў Telegram-канале прэс-сакратар МУС Вольга Чамаданава, паведамляе БЕЛТА.

"15 лістапада, у краіне было зафіксавана 35 пратэсных акцый. Трэба адзначыць, што колькасць іх удзельнікаў зменшылася, а пратэсная актыўнасць знізілася. МУС прыняты неабходныя меры па падтрыманні парадку і забеспячэнні грамадскай бяспекі ў месцах правядзення несанкцыянаваных мерапрыемстваў", - расказалі ў МУС.

У Мінску пад уплывам дэструктыўных Telegram-каналаў людзі сабраліся ў раёне станцыі метро "Пушкінская", а таксама ў дварах бліжэйшых дамоў па вуліцы Прытыцкага і праспекце Пушкіна. Асобныя з іх выйшлі на праезную частку і заблакіравалі рух транспарту. У мэтах стабілізацыі сітуацыі сіламі правапарадку групы пратэстуючых былі разгрупаваны, найбольш актыўныя затрыманы.

"Значны прыток грамадзян адзначаўся на так званай плошчы перамен. Арганізатары пратэснай акцыі цынічна выкарыстоўвалі ў сваіх мэтах факт смерці Рамана Бандарэнкі. Арганізатары фарсу дабіліся таго, што прысутныя там людзі былі настроены агрэсіўна, аб чым сведчылі скандзіраванне палітычных лозунгаў і заклікаў, ненарматыўная лексіка і непрыстойныя жэсты, шматлікія хуліганскія выхадкі. Мітынгуючыя блакіравалі выезд грамадзян з дваровых тэрыторый па вуліцы Чарвякова. Супрацоўнікам міліцыі давялося прымяніць спецсродкі. Пасля неаднаразовых папярэджанняў аб недапушчальнасці супрацьпраўных дзеянняў з боку пратэстуючых, былі затрыманы найбольш актыўныя ўдзельнікі", - адзначылі ў ведамстве.

У Брэсце і Гродне максімальная колькасць удзельнікаў несанкцыянаваных масавых мерапрыемстваў не перасягнула адпаведна 250 і 200 чалавек. У астатніх населеных пунктах краіны нядзеля прайшла адносна спакойна, фіксаваліся нешматлікія незаконныя акцыі. Не абышлося без дэзынфармацыйных укідаў. У прыватнасці, на размешчаны ў інтэрнэце відэаролік, дзе супрацоўнік мазырскай міліцыі нясе на руках жанчыну, "каментатары" адразу ж выдалі штампы аб дзеяннях сілавікоў. На самай справе 41-гадовай удзельніцы несанкцыянаванага масавага мерапрыемства стала дрэнна, і менавіта супрацоўнікі выклікалі хуткую. Каб мазыранка не ўпала на зямлю, міліцыянер патрульна-паставой службы падхапіў яе, вынес з натоўпу і перадаў медыкам. Ні фізічнай сілы, ні спецсродкаў у дачыненні да яе ніхто не прымяняў. Дарэчы, шпіталізацыя не спатрэбілася.

Усяго ўчора па краіне за парушэнне заканадаўства аб масавых мерапрыемствах і да разгляду ў судзе спраў па адміністрацыйных правапарушэннях у месцы ўтрымання змешчаны больш за 700 чалавек. Па фактах актыўнага супраціўлення супрацоўнікам органаў унутраных спраў, блакіравання руху праводзяцца праверкі ў рамках крымінальна-працэсуальнага заканадаўства.

"На працягу дзяжурных сутак зарэгістраваны два факты беспадстаўнай занятасці чыгуначных пуцей на перагоне Уша - Аляхновічы ў Мінскай вобласці. Затрымкі руху паяздоў не было. Следчымі органамі ўзбуджаны дзве крымінальныя справы па названых фактах, а таксама адна - у сувязі з пашкоджаннем службовага аўтатранспарту праз размяшчэнне на аўтадарогах металічных шыпоў паблізу вёсак Астрашыцкі Гарадок і Белыя Лужы. Акрамя таго, неўстаноўленыя асобы падпалілі дзве аўтамабільныя шыны на абочыне аўтадарогі пры ўездзе ў гарадскім пасёлку Рудзенск Пухавіцкага раёна", - дадалі ў МУС.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі