МУС: надзвычайных здарэнняў у месцах правядзення святочных мерапрыемстваў дапушчана не было

8 студзеня, Мінск /Кар. БЕЛТА/. У месцах правядзення навагодніх святочных мерапрыемстваў злачынстваў або надзвычайных здарэнняў дапушчана не было. Аб гэтым на прэс-канферэнцыі заявіў намеснік начальніка галоўнага ўпраўлення - начальнік упраўлення аховы правапарадку галоўнага ўпраўлення аховы правапарадку і прафілактыкі міліцыі грамадскай бяспекі Сяргей Мірончык, перадае карэспандэнт БЕЛТА.

"Міністэрствам унутраных спраў быў рэалізаваны комплекс мер па забеспячэнні грамадскай бяспекі ў перыяд правядзення калядных і навагодніх свят. Супрацоўнікі органаў унутраных спраў і ваеннаслужачыя ўнутраных войскаў былі пераведзены на ўзмоцнены варыянт нясення службы. Асаблівая ўвага ўдзялялася забеспячэнню асабістай і дарожнай бяспекі. Асноўныя святочныя пляцоўкі былі ўзяты пад ахову, арганізаваны прапускны рэжым, праводзіліся надгляды. Абмяжоўваўся рух грузавых транспартных сродкаў, а таксама блакіраваліся пад'язныя шляхі да асноўных святочных лакацый. Патрульныя нарады былі арыентаваны на аказанне ўсебаковай дапамогі грамадзянам", - расказаў Сяргей Мірончык.

Ён таксама падкрэсліў, што задачы па ахове грамадскага парадку ў цэлым выкананы і ў месцах правядзення святочных мерапрыемстваў злачынстваў або надзвычайных здарэнняў дапушчана не было.-0-