Мабільная версія
ДЗЯРЖОРГАНЫ

Апошнія навіны
Усе навіны

МУС і МАМ правядуць інфармацыйную кампанію па барацьбе з гандлем людзьмі

Грамадства 23.07.2019 | 15:31
Фота з архіва
Фота з архіва

23 ліпеня, Мінск /Кар. БЕЛТА/. Міжнародная арганізацыя па міграцыі (МАМ) і Міністэрства ўнутраных спраў у партнёрстве з ЮНІСЕФ правядуць у Мінску серыю мерапрыемстваў для бацькоў і дзяцей 30 ліпеня, у Сусветны дзень барацьбы з гандлем людзьмі, паведамілі БЕЛТА арганізатары.

Будзе дадзены старт інфармацыйнай кампаніі "Навучыце дзяцей бачыць хлусню". Бацькоў і спецыялістаў, якія працуюць з дзецьмі, праінфармуюць аб праблеме сексуальнага насілля і эксплуатацыі непаўналетніх, у тым ліку ўключэнне ў стварэнне парнаграфіі. Слоган кампаніі заклікае бацькоў заняць актыўную пазіцыю: тэлефанаваць на гарачую лінію па нумары 8-801-201-5555, звяртацца за дапамогай пры падазрэнні або выяўленні факта сексуальных дамаганняў да непаўналетніх у рэальным жыцці і віртуальнай прасторы, іх уцягнення ў порнаіндустрыю.

На тэматычныя мерапрыемствы запрашаюцца ўсе неабыякавыя бацькі з дзецьмі да 12 гадоў, якім прапануюць стаць удзельнікамі інтэрактыўнага квесту "Бяспечны маршрут" і лабірынта даверу - бацькі будуць праходзіць яго з закрытымі вачамі, трымаючы за руку дзяцей, якія стануць іх праваднікамі. У час тэсту "Зрабіце правільны выбар" дзеці даведаюцца, як правільна паводзіць сябе пры сустрэчы з незнаёмым чалавекам. На мерапрыемстве будуць працаваць дзіцячыя аніматары, госці сумесна створаць пано з сюрпрызам, якое ператворыцца ў цікавую фотазону. Уваход свабодны па папярэдняй рэгістрацыі.

Паводле даных МУС, у Беларусі з 2002 па 2018 год ахвярамі гандлю людзьмі сталі 5 605 чалавек, 690 (12,3 працэнта) з іх - непаўналетнія. Злачынцы ўцягваюць дзяцей у занятак прастытуцыяй, здымкі парнаграфічных матэрыялаў, падвяргаюць насіллю, незаконнаму ўсынаўленню або ўдачарэнню. У пацярпелых пагаршаецца здароўе, большасць дзяцей пакутуюць ад дэпрэсіі, панічных атак, у многіх выяўляюць ВІЧ і ІППШ, яны могуць скончыць жыццё самагубствам. Арганізатары акцыі папярэджваюць, што злачынцы, якія падвяргаюць дзяцей сексуальнаму насіллю, эксплуатацыі і іншым формам гандлю людзьмі, у першую чаргу карыстаюцца іх даверлівасцю. Важна навучыць дзіця распазнаваць падман, паколькі злачынцы могуць быць кім хочаце: любой прафесіі, полу, узросту і нават добрымі знаёмымі.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

ТАА "ЛідаТэхмаш" ТАА "ЛідаТэхмаш" - спецыялізаванае прадпрыемства па вытворчасці і сэрвісным абслугоўванні сельскагаспадарчай тэхнікі.