18 верасня, Мінск /Кар. БЕЛТА/. Улада і грамадства ў Беларусі кансалідаваны і гатовы рэагаваць на выклікі і пагрозы ў сувязі з маючай адбыцца электаральнай кампаніяй. Аб гэтым заявіў першы намеснік Дзяржаўнага сакратара Савета бяспекі Павел Муравейка ў эфіры тэлеканала СТБ, паведамляе БЕЛТА.
"Наперадзе два электаральныя гады - гэта даволі складаны перыяд. Але хачу сказаць, што на сёння беларускае грамадства, беларуская ўлада кансалідаваны і гатовы рэагаваць на ўсе магчымыя выклікі і пагрозы, звязаныя з электаральнай кампаніяй", - сказаў Павел Муравейка.
Першы намеснік дзяржсакратара Савета бяспекі звярнуў увагу на вялікую праведзеную работу над памылкамі. "Мы хутка перабудаваліся, хутка знайшлі слабыя звёны ў ланцугу нашай інфармацыйнай дасведчанасці і інфармацыйнай асветы насельніцтва, запоўнілі (інфармацыйную прастору. - Заўвага БЕЛТА) аб'ектыўнай інфармацыяй, рэальна прывязанай да нашых падзей, якія адбываюцца, раскрылі людзям вочы", - дадаў ён.
Павел Муравейка нагадаў аб указе кіраўніка дзяржавы, які прадугледжвае ўзмацненне мер у сферы забеспячэння кібербяспекі. "Дакумент быў прыняты вельмі своечасова, таму што, паводле даных на 2022 год, на інфармацыйныя рэсурсы нашай дзяржавы з розных напрамкаў было ажыццёўлена 320 млн кібернетычных атак, асноўная маса з іх была з тэрыторыі замежных краін. Атакавалі пошту простых грамадзян, атакавалі даныя, якія захоўваюцца ў базах даных транспарту, прамысловай вытворчасці, аэрапорта, пошты, школы. Такія атакі прадаўжаюцца", - адзначыў ён і падкрэсліў, што ў Беларусі паспяхова змагаюцца з адпаведнымі выклікамі.
Гаворачы аб маючай адбыцца электаральнай кампаніі, Павел Муравейка згадзіўся з тым, што беларускае грамадства будуць разварушваць. Прычым гэта будзе комплекснае ўздзеянне - як знутры, так і звонку. "Будзе ажыццяўляцца ўздзеянне на ўсе эшалоны ўлады. Акрамя таго, да гэтага дабавяцца розныя радыкальныя экстрэмісцкія дзеянні. Апошняе мы бачылі зусім нядаўна - гэта спробы парушыць рух грамадскага транспарту", - адзначыў ён.
Фактычна штодзённы характар набылі паведамленні аб ілжывым мініраванні тых ці іншых аб'ектаў, дадаў Павел Муравейка. "Штодзень ад 10 да 15 такіх паведамленняў атрымліваюць нашы органы ўлады. На ўсе мы рэагуем. Тэма забеспячэння нацыянальнай бяспекі сёння мабілізавана як ніколі", - сказаў ён, а таксама запэўніў, што ў Беларусі гатовы да розных выпадаў, рызык і выклікаў і змогуць забяспечыць спакой, парадак і мір у краіне.-0-
