22 лістапада, Мінск /Кар. БЕЛТА/. У Беларусі 23 лістапада прагназуецца моцны снег. Аб гэтым паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Сіноптыкі папярэджваюць беларусаў аб неспрыяльнай метэаралагічнай з'яве. Ноччу чакаецца пераменная воблачнасць, пераважна без ападкаў, аднак раніцай і днём воблачнасць павялічыцца, і на большай частцы тэрыторыі пачнуцца ападкі (снег, мокры снег, а па паўднёвым усходзе - дождж). Днём 23 лістапада ў многіх раёнах рэспублікі чакаецца моцны снег, месцамі магчымы галалёд.
У начныя і ранішнія гадзіны ў асобных раёнах магчымы туман, а на дарогах месцамі чакаецца галалёдзіца.
Вецер ноччу будзе няўстойлівым і слабым, а днём - паўночна-ўсходні і ўсходні ўмераны, месцамі парывісты.
Мінімальная тэмпература паветра ноччу складзе ад 0 да мінус 6 градусаў, на паўночным захадзе - да мінус 8. Тэмпература днём чакаецца ад мінус 3 да плюс 3 градусаў.-0-
Падпісвайцеся на нас у
