15 мая, Мінск /Кар. БЕЛТА/. У Мінску ў гэтым годзе моладзь зможа папрацаваць на 248 аб'ектах. Аб гэтым паведаміла на прэс-канферэнцыі "Актуальныя прапановы па часовай занятасці і працаўладкаванні моладзі летам" намеснік начальніка аддзела арганізацыі садзейнічання занятасці насельніцтва камітэта па працы, занятасці і сацыяльнай абароне Мінгарвыканкама Наталля Сілістроўская, паведамляе БЕЛТА.
"Мы гатовы прапанаваць моладзі, якая жадае папрацаваць у свабодны ад вучобы час і ў перыяд канікул, розныя віды працаўладкавання - як у рамках студэнцкіх атрадаў, так і ў лагерах працы і адпачынку, а таксама для часовай працоўнай занятасці", - сказала Наталля Сілістроўская.
Цяпер часовая працоўная занятасць арганізуецца як з прыцягненнем бюджэтных сродкаў, так і сродкаў саміх наймальнікаў. "У бягучым годзе моладзь зможа папрацаваць на 248 аб'ектах горада Мінска. У асноўным гэта ўстановы адукацыі, цэнтры дадатковай адукацыі і Мінскі заапарк, які карыстаецца вялікай папулярнасцю ў моладзі", - адзначыла намеснік начальніка аддзела.
Для пашырэння магчымасцей працаўладкавання камітэт па працы, занятасці і сацыяльнай абароне Мінгарвыканкама штомесяц апытвае наймальнікаў, каб сфарміраваць пералік арганізацый, гатовых разглядаць вучняў і студэнтаў для часовага працаўладкавання. "Пералік пастаянна актуалізуецца, знаходзіцца ў адкрытым доступе і азнаёміцца з ім можна на дзяржаўным партале службы занятасці. На сённяшні дзень ён уключае амаль 1 тыс. вакансій, заяўленых для працаўладкавання моладзі. Гэта ў асноўным некваліфікаваная праца з узроўнем аплаты працы ад Br625 да Br850", - дадала Наталля Сілістроўская.-0-
"Мы гатовы прапанаваць моладзі, якая жадае папрацаваць у свабодны ад вучобы час і ў перыяд канікул, розныя віды працаўладкавання - як у рамках студэнцкіх атрадаў, так і ў лагерах працы і адпачынку, а таксама для часовай працоўнай занятасці", - сказала Наталля Сілістроўская.
Цяпер часовая працоўная занятасць арганізуецца як з прыцягненнем бюджэтных сродкаў, так і сродкаў саміх наймальнікаў. "У бягучым годзе моладзь зможа папрацаваць на 248 аб'ектах горада Мінска. У асноўным гэта ўстановы адукацыі, цэнтры дадатковай адукацыі і Мінскі заапарк, які карыстаецца вялікай папулярнасцю ў моладзі", - адзначыла намеснік начальніка аддзела.
Для пашырэння магчымасцей працаўладкавання камітэт па працы, занятасці і сацыяльнай абароне Мінгарвыканкама штомесяц апытвае наймальнікаў, каб сфарміраваць пералік арганізацый, гатовых разглядаць вучняў і студэнтаў для часовага працаўладкавання. "Пералік пастаянна актуалізуецца, знаходзіцца ў адкрытым доступе і азнаёміцца з ім можна на дзяржаўным партале службы занятасці. На сённяшні дзень ён уключае амаль 1 тыс. вакансій, заяўленых для працаўладкавання моладзі. Гэта ў асноўным некваліфікаваная праца з узроўнем аплаты працы ад Br625 да Br850", - дадала Наталля Сілістроўская.-0-
