10 снежня, Мінск /Кар. БЕЛТА/. Мокры снег, туман, галалёдзіца і да 3 градусаў марозу чакаецца ў Беларусі 11 снежня, паведамілі БЕЛТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
У аўторак будзе воблачна. Уначы на большай частцы тэрыторыі, удзень у некаторых раёнах пройдуць ападкі, у асноўным мокры снег. Месцамі прагназуецца туман, слабы галалёд, на асобных участках дарог галалёдзіца. Вецер будзе няўстойлівы 3-8 м/с.
Тэмпература паветра на працягу сутак складзе ад мінус 3 да плюс 3 градусаў.-0-