19 лістапада, Мінск /Кар. БЕЛТА/. Мокры снег і дождж чакаюцца ў Беларусі на наступным тыдні, паведамілі карэспандэнту БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
"Трапічны ўраган "Эта", які на мінулым тыдні бушаваў каля ўсходніх берагоў Паўночнай Амерыкі, страчваючы актыўнасць і ператварыўшыся ў цыклон, цяпер знаходзіцца над Батнічным залівам і фарміруе надвор'е ў большасці дзяржаў Еўропы. У Беларусі сёння яго ўплыў выяўляецца ва ўзмацненні паўднёва-заходняга ветру і паступленні анамальна цёплага паветра", - расказалі ў Белгідрамеце.
У пятніцу, 20 лістапада, франтальны раздзел ад гэтага цыклону стане фарміраваць надвор'е ў Беларусі. Будзе воблачна з праясненнямі. Ноччу і раніцай у многіх раёнах, днём пераважна па ўсходняй палавіне краіны пройдуць кароткачасовыя ападкі, у асноўным дажджы. Вецер будзе паўднёва-заходні, заходні, ноччу і раніцай на большай частцы тэрыторыі, днём месцамі прагназуецца моцны парывісты вецер. Тэмпература паветра ноччу будзе ад мінус 1 да плюс 5 градусаў, днём - 1-7 градусаў цяпла.
У суботу, 21 лістапада, надвор'е будзе вызначаць вобласць павышанага атмасфернага ціску, сфарміраваная ў халаднаватай паветранай масе, таму будзе пераважна без ападкаў. На асобных участках дарог прагназуецца галалёдзіца. Вецер заходні, паўднёва-заходні ўмераны. Тэмпература паветра ноччу будзе вагацца ад нуля да мінус 5 градусаў, днём яна будзе ў межах ад мінус 1 да плюс 5 градусаў.
У нядзелю, 22 лістапада, з Заходняй Еўропы чакаецца перамяшчэнне франтальных раздзелаў. Зноў павялічыцца і ўшчыльніцца воблачнасць, на большай частцы тэрыторыі краіны пройдуць ападкі (снег, мокры снег, які будзе пераходзіць у дождж). Чакаецца слабы галалёд, на дарогах месцамі галалёдзіца. Вецер паўднёва-заходні парывісты, у асобных раёнах моцны парывісты. Тэмпература паветра ноччу будзе ад мінус 5 да плюс 2 градусаў, днём яна будзе вагацца ад нуля да 7 градусаў са знакам плюс.
Сіноптыкі растлумачылі, што ў пачатку наступнага тыдня захаваецца актыўная цыкланічная дзейнасць у Паўночнай Атлантыцы, і надвор'е будуць фарміраваць атмасферныя франты.
У панядзелак, 23 лістапада, часам пройдуць ападкі ў выглядзе дажджу, ноччу па ўсходзе з мокрым снегам. Вецер будзе заходні ўмераны. Месцамі магчымы слабы туман, ноччу па ўсходзе - слабы галалёд. Начная тэмпература паветра будзе ад мінус 1 да плюс 6 градусаў, дзённая - 3-8 градусаў цяпла.
У аўторак, 24 лістапада, ноччу на большай частцы тэрыторыі краіны, днём месцамі пройдуць кароткачасовыя ападкі (дождж, мокры снег). Вецер чакаецца паўночна-заходні ўмераны. Тэмпература паветра на працягу сутак будзе вагацца ад нуля да плюс 5 градусаў, днём па паўднёвым захадзе краіны паветра прагрэецца да 7 градусаў.
У сераду, 25 лістапада, месцамі прагназуюцца невялікія ападкі (дождж, мокры снег). Вецер будзе паўночна-заходні з пераходам на паўднёвы ўмераны. У асобных раёнах чакаюцца туман, слабы галалёд, ноччу і раніцай на дарогах галалёдзіца. Тэмпература паветра ноччу складзе ад мінус 3 да плюс 3 градусаў, днём - ад мінус 1 да плюс 4, па паўднёвым захадзе - да 5-7 градусаў цяпла.
Такі тэмпературны фон будзе на 2-4 градусы перавышаць кліматычную норму, што адпавядае першым чыслам лістапада, дадалі ў Белгідрамеце.-0-
