1 снежня, Мінск /Кар. БЕЛТА/. У Беларусі 1 снежня прагназуюцца неспрыяльныя ўмовы надвор'я, паведамляе БЕЛТА са спасылкай на МНС.
Месцамі па рэспубліцы сёння захаваецца ўзмацненне ветру парывамі да 15-18 м/с. На асобных участках дарог чакаецца галалёдзіца. У МНС перасцерагаюць, што пры такім надвор'і магчымы адключэнне электраэнергіі, цяжкасць руху транспарту, павялічваецца верагоднасць узнікнення ДТЗ. З-за парываў ветру могуць быць пашкоджанні канструкцый і дахаў будынкаў, падзенне дрэў.
Сёння чакаецца воблачнае з праясненнямі надвор'е, на большай частцы тэрыторыі кароткачасовы снег. Месцамі - слабыя туман, галалёд, мяцеліца. На асобных участках дарог галалёдзіца. Вецер заходні, паўночна-заходні 4-9 м/с, парывы да 15-18 м/с. Тэмпература паветра на працягу сутак будзе вагацца ад мінус 10 градусаў да плюс 1.-0-
