8 снежня, Мінск /Кар. БЕЛТА/. Сёння на асобных участках дарог рэспублікі захаваецца галалёдзіца. Аб гэтым папярэджваюць у МНС, паведамляе БЕЛТА.
Сярод фактараў небяспекі - ускладненне руху транспарту, павелічэнне магчымасці ўзнікнення ДТЗ, рызыка траўматызму насельніцтва.
Паводле даных сіноптыкаў, па паўночнай палавіне краіны чакаецца невялікі снег, мокры снег. На дарогах галалёдзіца. Месцамі парывы ветру будуць дасягаць 14 м/с. Тэмпература паветра складзе ад мінус 2 да плюс 2 градусаў.-0-
