Мабільная версія
ДЗЯРЖОРГАНЫ

Апошнія навіны
Усе навіны

Міжнародная выстаўка-кірмаш BelTexIndustry пройдзе ў Мінску 2-4 кастрычніка

Грамадства 11.07.2019 | 17:52
Фота з архіва
Фота з архіва

11 ліпеня, Мінск /Кар. БЕЛТА/. Міжнародная выстаўка-кірмаш па аптовым продажы тавараў лёгкай прамысловасці BelTexIndustry-2019 адбудзецца ў Мінску з 2 па 4 кастрычніка, паведамілі БЕЛТА арганізатары.

Мерапрыемства пройдзе ў абноўленым фармаце і будзе ўяўляць сабой эфектыўную пляцоўку для дзелавых сустрэч вытворцаў, прадаўцоў і пакупнікоў з Беларусі, Расіі і іншых краін.

Будуць абсталяваны зоны для перагавораў і круглых сталоў. У праграму ўключаны дзелавыя сустрэчы, модныя паказы. Узгадняецца прыезд у беларускую сталіцу замежных спікераў, гатовых падзяліцца перадавым вопытам.

Упершыню плануецца правесці гандлёва-закупачную сесію для ўстанаўлення дзелавых знаёмстваў паміж кампаніямі. Перагаворы з патэнцыяльнымі гандлёвымі партнёрамі арганізуюцца па прынцыпе "ўсе з усімі".

BelTexIndustry - буйнейшая галіновая выстаўка тавараў лёгкай прамысловасці Беларусі. Штогод удзельнікамі выстаўкі з'яўляюцца вытворцы і пастаўшчыкі вырабаў лёгкай прамысловасці, сыравіны, абсталявання, фурнітуры і аксесуараў, а таксама дызайнеры, канструктары, мадэльеры.

Арганізатар - Нацыянальны выставачны цэнтр "Белэкспа" пры падтрымцы канцэрна "Беллегпрам". Галоўная мэта выстаўкі - прадэманстраваць магчымасці беларускіх вытворцаў. Штогод яе наведваюць больш за 4 тыс.чалавек.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Тэмпературныя рэкорды Беларусі 14 кастрычніка былі пабіты тэмпературныя рэкорды ў Мінску і ва ўсіх абласных цэнтрах, акрамя Брэста.