14 сакавіка, Мінск /Кар. БЕЛТА/. Змяненні ў Канстытуцыі, адобраныя на рэспубліканскім рэферэндуме ў 2022 годзе, пацвердзілі сваю актуальнасць і адпаведнасць патрабаванням часу. Аб гэтым журналістам заявіў старшыня грамадскага аб'яднання "Беларускі рэспубліканскі саюз юрыстаў", начальнік Сакратарыята Усебеларускага народнага сходу Валерый Міцкевіч у час круглага стала "Абноўленая Канстытуцыя як аснова ўдасканалення заканадаўства, правапрымянення і развіцця прававой навукі", перадае карэспандэнт БЕЛТА.
"З улікам таго, што мінула тры гады з моманту ўступлення змяненняў у сілу, можна сказаць, што яны поўнасцю адпавядаюць патрабаванням часу. Рэалізацыя канстытуцыйных норм у далейшых законах і нарматыўных прававых актах паказала, што ўсё, што народ адобрыў на рэферэндуме, рэалізавана без праблем. Мы жывём па Канстытуцыі і за гэты час ніякіх складанасцей не ўзнікла", - адзначыў Валерый Міцкевіч.
Паводле яго слоў, у краіне паспяхова функцыянуюць новыя канстытуцыйныя органы, у тым ліку Усебеларускі народны сход, а Канстытуцыйны Суд атрымаў новыя функцыі. "Праекты змяненняў Канстытуцыі неаднаразова абмяркоўваліся на ўзроўні Прэзідэнта, і жыццё паказала, што ўсё было зроблена правільна", - падкрэсліў ён.
"З улікам таго, што мінула тры гады з моманту ўступлення змяненняў у сілу, можна сказаць, што яны поўнасцю адпавядаюць патрабаванням часу. Рэалізацыя канстытуцыйных норм у далейшых законах і нарматыўных прававых актах паказала, што ўсё, што народ адобрыў на рэферэндуме, рэалізавана без праблем. Мы жывём па Канстытуцыі і за гэты час ніякіх складанасцей не ўзнікла", - адзначыў Валерый Міцкевіч.
Паводле яго слоў, у краіне паспяхова функцыянуюць новыя канстытуцыйныя органы, у тым ліку Усебеларускі народны сход, а Канстытуцыйны Суд атрымаў новыя функцыі. "Праекты змяненняў Канстытуцыі неаднаразова абмяркоўваліся на ўзроўні Прэзідэнта, і жыццё паказала, што ўсё было зроблена правільна", - падкрэсліў ён.
Гаворачы аб узроўні прававой дасведчанасці грамадзян, Валерый Міцкевіч адзначыў, што беларусы добра разбіраюцца ў прававых пытаннях, разумеюць заканадаўчыя працэсы і актыўна ўдзельнічаюць у іх абмеркаванні. "Мы праводзілі сустрэчы па ўсёй краіне, збіраліся ў працоўных калектывах, у арганізацыях. Людзі актыўна прымалі ўдзел у абмеркаванні змяненняў у Канстытуцыю, уносілі прапановы, многія з якіх былі ўлічаны. Гэта пацвярджае, што беларусы разбіраюцца ў прававых пытаннях і разумеюць нават пэўныя тонкасці заканадаўства", - рэзюмаваў ён.-0-
Фота Хрысціны Аксёнавай
Падпісвайцеся на нас у
