30 сакавіка, Мінск /Кар. БЕЛТА/. Місію наглядальнікаў ад СНД на канстытуцыйным рэферэндуме ва Узбекістане ўзначаліць генеральны сакратар СНД Сяргей Лебедзеў. Такое рашэнне прынята сёння на сумесным пасяджэнні Савета пастаянных паўнамоцных прадстаўнікоў дзяржаў Садружнасці пры статутных і іншых органах СНД і Камісіі па эканамічных пытаннях пры Эканамічным савеце СНД, перадае карэспандэнт БЕЛТА.
Канстытуцыйны рэферэндум ва Узбекістане назначаны на 30 красавіка.
Як анансаваў Сяргей Лебедзеў, місія наглядальнікаў ад СНД пачне работу ва Узбекістане 12 красавіка. "Лічым, што місія будзе нешматлікай - каля 50 чалавек. Але, як заўсёды, склад яе будзе высокага ўзроўню: парламентарыі краін СНД, члены і кіраўнікі ЦВК, дыпламаты, супрацоўнікі Выканкама СНД, якія маюць багаты вопыт назірання за выбарамі і рэферэндумамі на прасторы Садружнасці", - удакладніў ён.-0-
