Мабільная версія
ДЗЯРЖОРГАНЫ

Апошнія навіны
Усе навіны

Мінтранс мае намер узмацніць адказнасць аўтаперавозчыкаў за невыкананне патрабаванняў бяспекі

Грамадства 19.10.2018 | 13:19

19 кастрычніка, Мінск /Кар. БЕЛТА/. Міністэрства транспарту і камунікацый лічыць неабходным узмацніць адказнасць аўтаперавозчыкаў за невыкананне патрабаванняў бяспекі пры перавозцы пасажыраў. Аб гэтым карэспандэнту БЕЛТА паведамілі ў міністэрстве.

"Міністэрства мае намер ініцыіраваць унясенне змяненняў у нарматыўныя прававыя акты для ўзмацнення адказнасці перавозчыкаў за невыкананне патрабаванняў бяспекі пры перавозцы пасажыраў, - адзначылі ў Мінтрансе. - Ведамства ўжо рыхтавала адпаведныя прапановы ў КоАП, але яны не былі падтрыманы. Аднак работа па рэалізацыі такой пазіцыі будзе прадоўжана".

Адказваючы на пытанне, ці магчыма прасачыць, дзе ездзіць вадзіцель транспартнага сродку і з якой скорасцю, у міністэрстве паведамілі, што ўсё залежыць ад таго, рэгулярны гэта перавозчык або нерэгулярны.

Патрабаваннямі Правіл аўтамабільных перавозак пасажыраў прадугледжана абавязковасць устаноўкі апаратуры спадарожнікавай навігацыі на транспартны сродак пры выкананні перавозкі ў рэгулярных зносінах. Пры гэтым такое абсталяванне падключаецца да праграмнага комплексу аператара перавозак пасажыраў, у выніку чаго прасочваецца выкананне схемы маршруту, раскладу і інш.

Што датычыцца нерэгулярных перавозчыкаў, то тут усё залежыць ад пазіцыі кіраўніка арганізацыі або індывідуальнага прадпрымальніка - паставіў ён на свае аўтобусы адпаведнае абсталяванне або не.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Забарона на наведванне лясоў У Беларусі ўведзена забарона на наведванне лясоў у шасці раёнах Мінскай вобласці: Старадарожскім - з 19 красавіка, Валожынскім - з 20 красавіка, Мінскім, Смалявіцкім, Чэрвеньскім, Бярэзінскім - з 24 красавіка.