9 жніўня, Мінск /Кар. БЕЛТА/. Міністэрства сувязі і інфарматызацыі выпусціць паштовую марку да Дня будаўніка, паведамілі БЕЛТА ў прэс-службе ведамства.
На бягучым тыдні ў абарачэнне выйдзе паштовая марка "Будаўнік" на тэму "Прафесіі" з серыі "Дзіцячая філатэлія". Да гэтага выпуску таксама падрыхтавана картка для картмаксімуму. Мастак паштовай прадукцыі Віктар Чайчук, дызайн Яўгеніі Бядонік.
У дзень выпуску паштовай маркі ў абарачэнне на паштамце Мінска будзе праводзіцца спецыяльнае гашэнне на канверце "Першы дзень". Дзень будаўніка традыцыйна адзначаецца ў другую нядзелю жніўня.-0-