26 чэрвеня, Мінск /Кар. БЕЛТА/. "Мінскводаканал" апублікаваў на сваім сайце рэзультаты лабараторных аналізаў проб вады на раніцу 26 чэрвеня і дзень 25 чэрвеня, паведамляе БЕЛТА.
"Каманда мінскага водаканала з калегамі працавалі ў бесперапынным рэжыме, каб вывесці з сістэмы водазабеспячэння непрыемны пах. Вынікі даследаванняў за ноч сведчаць, што нам разам гэта ўдалося. Па ўсіх паказчыках якасці паводле даных акрэдытаванай лабараторыі УП "Мінскводаканал" вада ў размеркавальнай сетцы горада Мінска адпавядае санітарным правілам і нормам", - сказана ў паведамленні.
На прадпрыемстве разлічваюць, што "ў самы бліжэйшы час забарона на выкарыстанне водаправоднай вады для піцця будзе знята пасля пацвярджэння яе якасці Мінскім гарадскім цэнтрам гігіены".
У выпадку ўзнікнення пытанняў па якасці вады жыхары могуць звяртацца па тэлефонах 115 або 389-40-90, 389-40-51 для прыняцця мер.-0-
