Фота з архіва
15 красавіка, Мінск /Кар. БЕЛТА/. Паніжэнне тэмпературы не стрымлівае правядзенне сяўбы ранніх яравых, яе завершаць у тэрмін. Аб гэтым расказаў журналістам начальнік галоўнага ўпраўлення раслінаводства Міністэрства сельскай гаспадаркі і харчавання Мікалай Лешык, перадае карэспандэнт БЕЛТА.
Паводле слоў спецыяліста, палявыя работы, уключаючы падкормку глеб, у гэтым годзе пачаліся раней за мінулагоднія практычна на тры тыдні.
"У гэтым годзе ў аграрыяў з'явілася магчымасць раней пачаць корманарыхтоўку. Аднак у апошні тыдзень тэмпературны рэжым крыху панізіўся, часта ідуць дажджы. Усё гэта крыху прыпыніла работы і знізіла іх тэмп. Пры гэтым на бягучы дзень паўднёвыя рэгіёны ўжо блізкія да завяршэння сяўбы ранніх яравых. У прыватнасці, гэта Брэсцкая, Гродзенская і Мінская вобласці. Таксама падцягваюцца Магілёўская і Віцебская вобласці", - расказаў Мікалай Лешык.
Ён звярнуў увагу, што паніжэнне тэмпературы не з'яўляецца стрымальным фактарам для сяўбы ранніх збожжавых культур. "Хутчэй тут можа перашкодзіць багатае выпадзенне ападкаў, як гэта было ў другой палове папярэдняга тыдня. Такім чынам, ніякіх перашкод для сяўбы ранніх яравых збожжавых пакуль няма і яна будзе завершана ў тэрмін", - заявіў начальнік галоўнага ўпраўлення раслінаводства Мінсельгасхарча.
Спецыяліст дадаў, што перад аграрыямі стаяць пэўныя задачы. "Нам неабходна да 9 мая завяршыць асноўную сяўбу такіх культур, як буракі, лён, кукуруза. Сяўбу ранніх яравых збожжавых плануем завяршыць ужо на гэтым тыдні. Адначасова пачата работа па пасадцы бульбы, яе таксама плануем высадзіць да 9 мая", - падкрэсліў Мікалай Лешык.-0-
Паводле слоў спецыяліста, палявыя работы, уключаючы падкормку глеб, у гэтым годзе пачаліся раней за мінулагоднія практычна на тры тыдні.
"У гэтым годзе ў аграрыяў з'явілася магчымасць раней пачаць корманарыхтоўку. Аднак у апошні тыдзень тэмпературны рэжым крыху панізіўся, часта ідуць дажджы. Усё гэта крыху прыпыніла работы і знізіла іх тэмп. Пры гэтым на бягучы дзень паўднёвыя рэгіёны ўжо блізкія да завяршэння сяўбы ранніх яравых. У прыватнасці, гэта Брэсцкая, Гродзенская і Мінская вобласці. Таксама падцягваюцца Магілёўская і Віцебская вобласці", - расказаў Мікалай Лешык.
Ён звярнуў увагу, што паніжэнне тэмпературы не з'яўляецца стрымальным фактарам для сяўбы ранніх збожжавых культур. "Хутчэй тут можа перашкодзіць багатае выпадзенне ападкаў, як гэта было ў другой палове папярэдняга тыдня. Такім чынам, ніякіх перашкод для сяўбы ранніх яравых збожжавых пакуль няма і яна будзе завершана ў тэрмін", - заявіў начальнік галоўнага ўпраўлення раслінаводства Мінсельгасхарча.
Спецыяліст дадаў, што перад аграрыямі стаяць пэўныя задачы. "Нам неабходна да 9 мая завяршыць асноўную сяўбу такіх культур, як буракі, лён, кукуруза. Сяўбу ранніх яравых збожжавых плануем завяршыць ужо на гэтым тыдні. Адначасова пачата работа па пасадцы бульбы, яе таксама плануем высадзіць да 9 мая", - падкрэсліў Мікалай Лешык.-0-
