ДЗЯРЖОРГАНЫДЗЯРЖОРГАНЫ
Субота, 17 красавіка 2021
Мінск Пераменная воблачнасць +7°C
Усе навіны
Усе навіны
Грамадства
25 мая 2020, 12:44

Мінпрыроды плануе запусціць інфармацыйную кампанію "Раскажы пра сваю крыніцу"

Фота з архіва
Фота з архіва

25 мая, Мінск /Кар. БЕЛТА/. Міністэрства прыродных рэсурсаў і аховы навакольнага асяроддзя распрацоўвае канцэпцыю інфармацыйнай кампаніі "Раскажы пра сваю крыніцу", якую плануюць запусціць да 5 чэрвеня. Такая інфармацыя размешчана на сайце Мінпрыроды, паведамляе БЕЛТА.

Мэта кампаніі - добраўпарадкаванне крыніц, наведванне крыніц на асабліва ахоўных прыродных тэрыторыях з прыцягненнем грамадскасці, у тым ліку дзяцей і моладзі. Да абследаванняў крыніц зможа далучыцца кожны жадаючы. Вынікі экалагічнай кампаніі плануюць падвесці ў кастрычніку-лістападзе бягучага года ў сувязі з правядзеннем VI Міжнароднага воднага форуму "Крыніцы Беларусі".

"Крыніцы - унікальныя прыродныя водныя аб'екты з пункту гледжання іх фарміравання, ролі ў захаванні ландшафтнай і біялагічнай разнастайнасці і магчымасцей выкарыстання. Часта крыніцы даюць пачатак рэкам і ручаям. Некаторыя з іх маюць сакральнае значэнне па прычыне таго, што іх вада лічыцца гаючай. Акрамя таго, крыніцы актыўна выкарыстоўваюцца як нецэнтралізаваныя крыніцы водазабеспячэння, маюць важнае значэнне для развіцця турызму", - адзначылі ў Мінпрыроды.

VI Міжнародны водны форум "Крыніцы Беларусі" пройдзе ў Мінску 3-4 лістапада. На форуме будуць абмяркоўвацца праблемы і выпрацоўвацца рашэнні па ўстойлiвым функцыянаванні водных экасістэм, у тым ліку крыніц, павышэнні эфектыўнасці выкарыстання водных і звязаных з імі прыродных рэсурсаў для патрэб эканомікі краіны і іх аховы ў кантэксце прынцыпаў устойлівага развіцця. Арганізатарамі форуму выступаюць Мінпрыроды, Цэнтральны навукова-даследчы інстытут комплекснага выкарыстання водных рэсурсаў, Беларуская асацыяцыя экспертаў і сюрвеераў на транспарце і навукова-вытворчае ўнітарнае прадпрыемства "БАЭС". Да ўдзелу запрошаны вядучыя беларускія вучоныя і спецыялісты ў галіне аховы і выкарыстання водных рэсурсаў, прадстаўнікі органаў дзяржкіравання і грамадскіх арганізацый, міжнародныя эксперты.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі