Сцяг Нядзеля, 21 ліпеня 2024
Усе навіны
Усе навіны
Грамадства
25 чэрвеня 2024, 18:37

Мінпрацы нагадала, якой павінна быць тэмпература на рабочым месцы

Фота з архіва
Фота з архіва
25 чэрвеня, Мінск /Кар. БЕЛТА/. Якой павінна быць тэмпература на рабочым месцы, расказалі ў Міністэрстве працы і сацыяльнай абароны, паведамляе БЕЛТА.

Калі размова ідзе пра сядзячую работу з нязначнымі фізічнымі нагрузкамі (офісы, швейныя вытворчасці, установы адукацыі і г.д.), нормай лічыцца тэмпература плюс 25,1-28 градусаў. Калі работа больш рухавая, звязаная з некаторымі фізічнымі нагрузкамі (кантралёры, майстры на розных вытворчасцях, аграномы, гіды, прадаўцы нехарчовых тавараў і г.д.), - 24,1-28 градусаў цяпла.

Пры рабоце, якая патрабуе пастаяннай хадзьбы, пэўнай фізічнай нагрузкі і перамяшчэнняў прадметаў вагой да 1 кг стоячы ці седзячы (наладчыкі, станочнікі, прадаўцы харчовых тавараў і г.д.), устанаўлены нарматыў 22,1-27 градусаў вышэй за нуль. Умераныя фізічныя нагрузкі і перамяшчэнне цяжкіх рэчаў да 10 кг (работнікі будаўнічай галіны, жывёлаводы, зваршчыкі і г.д.) патрабуюць не вышэй за плюс 21,1-27 градусаў. Пастаяннае перацягванне цяжкіх рэчаў і значныя фізічныя намаганні (кавалі, работнікі сельскай гаспадаркі, вальшчыкі лесу і г.д.) - 20,1-26 градусаў цяпла.

"Работадавец абавязаны арганізаваць кандыцыяніраванне паветра (устанавіць кандыцыянеры, паставіць вентылятары), забяспечыць работнікаў пітной вадой (пры захаванні гігіенічных нарматываў ролю пітной можа выконваць праточная вада), даць супрацоўнікам месцы для адпачынку. Важна таксама прымяняць адпаведныя сродкі індывідуальнай аховы (напрыклад, пры выбары спецадзення аддаваць перавагу паветрапранікальным і гіграскапічным тканінам, якія забяспечваюць камфортны мікраклімат для цела). Акрамя таго, неабходна прадугледзець перапынкі на 5-10 хвілін для адпачынку, якія не будуць замяняць сабой абедзенны перапынак і будуць уключацца ў рабочы час", - падкрэслілі ў Мінпрацы.-0-
Падпісвайцеся на нас у
Twitter
Топ-навіны
Свежыя навіны Беларусі