13 мая, Мінск /Кар. БЕЛТА/. Міністэрства працы і сацыяльнай абароны ў гэтым годзе ініцыюе маштабную рэспубліканскую акцыю "Мая сям'я - мая краіна". Больш падрабязна пра мэты і мерапрыемствы акцыі расказала сёння начальнік упраўлення народанасельніцтва, гендарнай і сямейнай палітыкі Міністэрства працы і сацыяльнай абароны Марына Арцёменка на прэс-канферэнцыі, прымеркаванай да Міжнароднага дня сям'і, перадае карэспандэнт БЕЛТА.
Мэта акцыі - прыцягнуць увагу да інстытута сям'і, умацавання сувязі паміж пакаленнямі, павысіць каштоўнасць укладу кожнай сям'і ў стабільнае развіццё дзяржавы.
Па ўсёй краіне пройдуць маштабныя мерапрыемствы - усяго каля 50.
У Мінску 14 мая адбудзецца ўрачыстая цырымонія ўзнагароджання прызёраў і ўдзельнікаў гарадскога конкурсу "Лепшая шматдзетная сям'я 2021 года", які праводзіцца сумесна камітэтам па працы, занятасцi i сацыяльнай абароне Мінгарвыканкама і Беларускай асацыяцыяй шматдзетных бацькоў.
Першы рэгіянальны форум "Беларуская сям'я: учора, сёння, заўтра" пройдзе 15 мая ў Бабруйску. У Гомелі адбудзецца конкурс шматдзетных бацькаў "Папін дзень кожны дзень", у Гродне - парад-шэсце дзіцячых калясак. У Нясвіжы запланавана дыялогавая пляцоўка сямейных дынастый Мінскай вобласці "У адзінстве наша сіла". А 17 мая адбудзецца міжнародны анлайн-форум работадаўцаў для супрацоўнікаў-бацькоў, арганізаваны пры падтрымцы Фонду ААН у галіне народанасельніцтва.-0-
