11 лютага, Мінск /Кар. БЕЛТА/. Рэзкага павышэння ўзроўню тарыфаў на жыллёва-камунальныя паслугі ў Беларусі не чакаецца. Аб гэтым паведаміў сёння журналістам міністр жыллёва-камунальнай гаспадаркі Андрэй Хмель перад падагульняючай калегіяй ведамства, перадае карэспандэнт БЕЛТА.
"Намі падрыхтаваны ўжо прапановы, у тым ліку па тарыфнай палітыцы на 2023 год. На 2022 год тарыфная палітыка ўжо прынята. Безумоўна, будзем працаваць у рамках 5-доларавага калідора (рост тарыфаў на паслугі ЖКГ не можа перавышаць $5 у год. - Заўвага БЕЛТА). Мы прымаем усе намаганні для таго, каб гэта ўтрымліваць, а гэта на самай справе даволі няпроста, але ўсе задачы вырашальныя", - адзначыў кіраўнік ведамства.
Паводле інфармацыі міністра, для арганізацый ЖКГ, якія гэтыя паслугі аказваюць, ёсць такі мэтавы паказчык дзяржпраграмы, як стрымліванне росту затрат. "Гэта комплекс арганізацыйных і тэхнічных мерапрыемстваў, якія дапамагаюць вытрымліваць гэты трэнд, каб тарыфы не раслі. Магу запэўніць насельніцтва краіны ў тым, што рэзкага павышэння ўзроўню тарыфаў у Беларусі не чакаецца, усё будзе адбывацца планава, механізм празрысты і зразумелы для людзей. Тут нейкіх нараканняў ад насельніцтва і праблемных пытанняў няма", - запэўніў Андрэй Хмель.-0-
