19 чэрвеня, Мінск /Кар. БЕЛТА/. Міністр аховы здароўя Султаната Аман Хіляль бін Алі Аль Сабці ўражаны поўным цыклам медыцынскай дапамогі пацыентам у Рэспубліканскім клінічным медыцынскім цэнтры Кіраўніцтва справамі Прэзідэнта Рэспублікі Беларусь. Першымі ўражаннямі ў час знаходжання ў Мінску міністр падзяліўся з карэспандэнтам БЕЛТА.
"Мы вельмі ўражаны тым, што сёння ўбачылі. Той перадавы падыход да аховы здароўя, рэабілітацыі, наяўнасць поўнага цыкла медыцынскага лячэння і рэабілітацыі ў адным медыцынскім цэнтры - гэта даволі ўнікальная рэч", - сказаў Хіляль бін Алі Аль Сабці, дадаўшы, што ў цэнтры выкарыстоўваюцца самыя сучасныя тэхналогіі для рэабілітацыі пацыентаў.
Дэлегацыя была прыемна ўражана тым, што цэнтр, акрамя медыцынскай дзейнасці, займаецца навуковымі даследаваннямі і пытаннямі навучання медыцынскіх кадраў.
Рэспубліканскі клінічны медыцынскі цэнтр Кіраўніцтва справамі Прэзідэнта Рэспублікі Беларусь з'яўляецца высокатэхналагічным шматфункцыянальным медыцынскім цэнтрам. Аказанне дапамогі арганізавана па замкнутым цыкле - пачынаючы з прафілактыкі, ранняй дыягностыкі, усіх відаў лячэння і заканчваючы рэабілітацыяй. Маецца як амбулаторны, так і стацыянарны этапы аказання меддапамогі. Акрамя медыцынскай, цэнтр займаецца навуковай і адукацыйнай дзейнасцю.
Як паведамлялася, 18 чэрвеня міністэрствы аховы здароўя Беларусі і Султаната Аман падпісалі мемарандум аб узаемаразуменні ў галіне аховы здароўя. Дакумент адкрывае магчымасці для больш глыбокага і цеснага ўзаемадзеяння дзвюх краін у сферы аховы здароўя па розных напрамках, такіх як лячэбны, адукацыйны працэсы і вытворчасць лекавых прэпаратаў.
Праграма знаходжання дэлегацыі Султаната Аман даволі шырокая. Прадугледжваецца наведванне асноўных рэспубліканскіх навукова-практычных цэнтраў, Беларускага дзяржаўнага медыцынскага ўніверсітэта, а таксама асноўных фармацэўтычных вытворчасцей - "Белмедпрэпаратаў" і - па магчымасці - Барысаўскага завода медпрэпаратаў.-0-
"Мы вельмі ўражаны тым, што сёння ўбачылі. Той перадавы падыход да аховы здароўя, рэабілітацыі, наяўнасць поўнага цыкла медыцынскага лячэння і рэабілітацыі ў адным медыцынскім цэнтры - гэта даволі ўнікальная рэч", - сказаў Хіляль бін Алі Аль Сабці, дадаўшы, што ў цэнтры выкарыстоўваюцца самыя сучасныя тэхналогіі для рэабілітацыі пацыентаў.
Дэлегацыя была прыемна ўражана тым, што цэнтр, акрамя медыцынскай дзейнасці, займаецца навуковымі даследаваннямі і пытаннямі навучання медыцынскіх кадраў.
Рэспубліканскі клінічны медыцынскі цэнтр Кіраўніцтва справамі Прэзідэнта Рэспублікі Беларусь з'яўляецца высокатэхналагічным шматфункцыянальным медыцынскім цэнтрам. Аказанне дапамогі арганізавана па замкнутым цыкле - пачынаючы з прафілактыкі, ранняй дыягностыкі, усіх відаў лячэння і заканчваючы рэабілітацыяй. Маецца як амбулаторны, так і стацыянарны этапы аказання меддапамогі. Акрамя медыцынскай, цэнтр займаецца навуковай і адукацыйнай дзейнасцю.
Як паведамлялася, 18 чэрвеня міністэрствы аховы здароўя Беларусі і Султаната Аман падпісалі мемарандум аб узаемаразуменні ў галіне аховы здароўя. Дакумент адкрывае магчымасці для больш глыбокага і цеснага ўзаемадзеяння дзвюх краін у сферы аховы здароўя па розных напрамках, такіх як лячэбны, адукацыйны працэсы і вытворчасць лекавых прэпаратаў.
Праграма знаходжання дэлегацыі Султаната Аман даволі шырокая. Прадугледжваецца наведванне асноўных рэспубліканскіх навукова-практычных цэнтраў, Беларускага дзяржаўнага медыцынскага ўніверсітэта, а таксама асноўных фармацэўтычных вытворчасцей - "Белмедпрэпаратаў" і - па магчымасці - Барысаўскага завода медпрэпаратаў.-0-
Падпісвайцеся на нас у
