14 жніўня, Мінск /Кар. БЕЛТА/. Міністэрства аховы здароўя ў сваім Telegram-канале запэўніла, што служба крыві ў Мінску прадаўжае зладжаную бесперапынную работу і запасу кампанентаў крыві ў сталіцы дастаткова, паведамляе БЕЛТА.
"На сённяшні момант у Мінску ёсць запас дастатковай колькасці кампанентаў крыві ў арганізацыях пералівання крыві. У РНПЦ трансфузіялогіі, 6-й ГКБ, БХМП, НПЦ хірургіі ёсць 5-7 дзённы запас эрытрацытаў (больш за 700 доз усіх груп), больш за тону плазмы для пералівання, больш за 500 літраў альбуміну", - удакладнілі ў ведамстве. Любая іншая інфармацыя, якая распаўсюджваецца ў сацыяльных сетках, з'яўляецца фэйкам.
Міністэрства аховы здароўя выказвае падзяку рэгулярным донарам і іншым беларусам, якія робяць разавыя данацыі за актыўную грамадзянскую пазіцыю.-0-