23 снежня, Мінск /Кар. БЕЛТА/. Вакцын ад каранавіруса ў Беларусі дастаткова, заявіла журналістам першы намеснік міністра аховы здароўя Алена Краткова, перадае карэспандэнт БЕЛТА.
"Вакцынацыя ідзе добрымі тэмпамі, і запланаваныя паказчыкі, ёсць верагоднасць, будуць выкананы. Крыху больш нізкія тэмпы прышчэпачнай кампаніі ў Брэсцкім і Мінскім рэгіёнах. У трох рэгіёнах працэнт вакцынаваных першым кампанентам ужо большы за 50, астатнія падцягваюцца", - сказала Алена Краткова.
"У прынцыпе, запланаваныя тэмпы вакцынацыі выконваюцца", - адзначыла яна.
Алена Краткова развеяла чуткі аб недахопе вакцын. "Ёсць і вакцына "Спадарожнік V", ёсць і вакцына Vero Cell у дастатковай колькасці. Учора прыбыў яшчэ адзін борт, вакцына будзе размеркавана па рэгіёнах. Ёсць месячны запас "Спадарожніка Лайт": 250 тыс. доз прыбылі ў пачатку гэтага тыдня, размеркаваны па рэгіёнах і актыўна выкарыстоўваюцца для вакцынацыі", - сказала першы намеснік міністра.
Яна рэкамендавала насельніцтву скарыстацца магчымасцю і вакцынавацца. "І, вядома, тым, у каго мінула дастаткова часу, вельмі важна рэвакцынавацца", - дадала яна.-0-