12 жніўня, Мінск /Кар. БЕЛТА/. Мінулай ноччу ў службу хуткай медыцынскай дапамогі і ў бальніцы Беларусі з рознымі траўмамі шпіталізаваны 51 грамадзянін. Аб гэтым БЕЛТА паведамілі ў прэс-службе Міністэрства аховы здароўя.
Усім пацярпелым аказана неабходная медыцынская дапамога ў поўным аб'ёме. "Асноўныя траўмы - выцятыя месцы на мяккіх тканках, траўмы канечнасцей, грудной клеткі, жывата і г.д. Некалькім пацыентам спатрэбіліся аперацыі. Стан іх стабілізаваны", - праінфармавалі ў Міністэрстве аховы здароўя.
"Загінулых, а таксама пацыентаў у крытычным стане на сённяшні момант няма", - падкрэслілі ў міністэрстве.-0-
