15 чэрвеня, Мінск /Кар. БЕЛТА/. У сувязі з інфармацыяй аб рэгістрацыі выпадкаў кішэчнай інфекцыі ва ўстанове аховы здароўя "11-я гарадская клінічная бальніца" праведзена ацэнка арганізацыі харчавання. Аб гэтым БЕЛТА паведамілі ў прэс-службе Міністэрства аховы здароўя.
"Спецыялісты праверылі ўмовы прыгатавання страў як ва ўстанове аховы здароўя, так і на аб'екце КУП "Вітамін" на вул. Каржанеўскага, 4. Адабраны для лабараторных даследаванняў пробы гатовых страў, абследаваны персанал харчаблока на кішэчную групу інфекцый", - расказалі ў ведамстве.
Праведзена апытанне пацыентаў аб стане здароўя і наяўнасці скаргаў на харчаванне ва ўстанове. Асоб з сімптомамі кішэчнай інфекцыі не выяўлена.-0-