![Фота МУС Фота МУС](https://blr.belta.by/images/storage/news/with_archive/2024/000022_1724242633_134954_big.jpg)
Фота МУС
21 жніўня, Мінск /Кар. БЕЛТА/. Трое пацярпелых у ДТЗ у Пружанскім раёне пераведзены ў Брэсцкую абласную клінічную бальніцу. Аб гэтым паведамілі БЕЛТА ў прэс-службе Міністэрства аховы здароўя.
Як тлумачыцца, першапачаткова ў Пружанскую цэнтральную раённую бальніцу былі дастаўлены 10 пацярпелых. Усе яны агледжаны профільнымі ўрачамі-спецыялістамі раённага і абласнога ўзроўняў.
"Усім пацыентам праведзены неабходныя дыягнастычныя і лячэбныя мерапрыемствы. Пасля ацэнкі стану трое пацярпелых перавезены аўтамабілямі хуткай медыцынскай дапамогі (рэанімабілямі) у Брэсцкую абласную клінічную бальніцу", - адзначылі ў Міністэрстве аховы здароўя, удакладніўшы, што пацыенты шпіталізаваны ў аддзяленне анестэзіялогіі і рэанімацыі.
Для правядзення рэспубліканскага кансіліуму і аказання дапамогі калегам у бальніцу выехала брыгада ўрачоў-спецыялістаў РНПЦ.
У траўматалагічным аддзяленні Пружанскай цэнтральнай раённай бальніцы з траўмамі рознай лакалізацыі прадаўжаюць лячэнне сем пацярпелых, стан якіх ацэнены як сярэдняй ступені цяжкасці.
Паводле паведамлення спецыялістаў Брэсцкага абласнога цэнтра экстраннага медыцынскага рэагавання, усяго ў выніку ДТЗ пацярпелі 13 чалавек. На месцы аварыі загінулі тры чалавекі.
Як паведамлялася, ДТЗ адбылося 21 жніўня каля 7:15 паблізу вёскі Стараволя. За рулём фургона Mercedes-Benz быў 24-гадовы вадзіцель. На перасячэнні аўтадарог Р78 і Р81 ён сутыкнуўся з пасажырскім аўтобусам. Ад удару транспартныя сродкі вылецелі ў кювет і перакуліліся.-0-
Як тлумачыцца, першапачаткова ў Пружанскую цэнтральную раённую бальніцу былі дастаўлены 10 пацярпелых. Усе яны агледжаны профільнымі ўрачамі-спецыялістамі раённага і абласнога ўзроўняў.
"Усім пацыентам праведзены неабходныя дыягнастычныя і лячэбныя мерапрыемствы. Пасля ацэнкі стану трое пацярпелых перавезены аўтамабілямі хуткай медыцынскай дапамогі (рэанімабілямі) у Брэсцкую абласную клінічную бальніцу", - адзначылі ў Міністэрстве аховы здароўя, удакладніўшы, што пацыенты шпіталізаваны ў аддзяленне анестэзіялогіі і рэанімацыі.
Для правядзення рэспубліканскага кансіліуму і аказання дапамогі калегам у бальніцу выехала брыгада ўрачоў-спецыялістаў РНПЦ.
У траўматалагічным аддзяленні Пружанскай цэнтральнай раённай бальніцы з траўмамі рознай лакалізацыі прадаўжаюць лячэнне сем пацярпелых, стан якіх ацэнены як сярэдняй ступені цяжкасці.
Паводле паведамлення спецыялістаў Брэсцкага абласнога цэнтра экстраннага медыцынскага рэагавання, усяго ў выніку ДТЗ пацярпелі 13 чалавек. На месцы аварыі загінулі тры чалавекі.
Як паведамлялася, ДТЗ адбылося 21 жніўня каля 7:15 паблізу вёскі Стараволя. За рулём фургона Mercedes-Benz быў 24-гадовы вадзіцель. На перасячэнні аўтадарог Р78 і Р81 ён сутыкнуўся з пасажырскім аўтобусам. Ад удару транспартныя сродкі вылецелі ў кювет і перакуліліся.-0-