25 кастрычніка, Мінск /Кар. БЕЛТА/. Тэмпы прыросту захваральнасці на COVID-19 у Беларусі пакрыху зніжаюцца, паведамляе БЕЛТА са спасылкай на прэс-службу Міністэрства аховы здароўя.
"У апошні тыдзень рэгіструецца нязначная тэндэнцыя па зніжэнні шпіталізацый пацыентаў у стацыянары. На некалькі чалавек у суткі зніжаецца колькасць пацыентаў, якія знаходзяцца на ШВЛ", - адзначылі ў прэс-службе.
У некаторых абласцях эпідсітуацыя дае магчымасць паэтапна выводзіць частку аддзяленняў з кавіднага рэжыму. У сувязі з гэтым на сайце Міністэрства аховы здароўя размешчана актуалізаваная інфармацыя аб стацыянарах, перапрафіляваных для пацыентаў з COVID-19.
У прэс-службе дадалі, што ўсе РНПЦ у поўным аб'ёме прадаўжаюць аказваць планавую дапамогу.
У Міністэрстве аховы здароўя нагадалі: каранавірусная інфекцыя належыць да вострых рэспіраторных вірусных інфекцый (ВРВІ). Адзіным дзейсным метадам папярэджання захворвання і яго цяжкага ходу з'яўляецца вакцынацыя. У Беларусі прышчапіцца можна практычна ва ўсіх паліклініках краіны, бальніцах, гандлёвых цэнтрах і нават у метро.-0-