ДЗЯРЖОРГАНЫДЗЯРЖОРГАНЫ
Флаг Пятніца, 14 мая 2021
Мінск Суцэльная воблачнасць +10°C
Усе навіны
Усе навіны
Грамадства
08 красавіка 2021, 19:16

Міністэрства аховы здароўя: сфера аховы здароўя гатова да трэцяй хвалі COVID-19

Фота з архіва
Фота з архіва

8 красавіка, Калінкавічы /Кар. БЕЛТА/. Сфера аховы здароўя гатова да трэцяй хвалі COVID-19. Аб гэтым паведаміў журналістам міністр аховы здароўя Дзмітрый Піневіч на адкрыцці кабінета КТ у Калінкавіцкай ЦРБ, перадае карэспандэнт БЕЛТА.

Дзмітрый Піневіч падкрэсліў у сувязі з гэтым важнасць прафілактыкі: захавання сацыяльнага дыстанцыравання, масачнага рэжыму, апрацоўкі рук. "Важна прытрымлівацца гэтых рэкамендацый не толькі ў паліклініках і бальніцах, але і ў месцах агульнага карыстання: транспарце, магазінах, гандлёвых цэнтрах і інш.", - дадаў ён.

Другі важны кампанент, паводле слоў міністра, - вакцынацыя. "Вакцына паступае, і яе аб'ёмы будуць павялічвацца. Заклікаю ўсіх да вакцынацыі. У лячэбных установах адкрыты спецыяльныя пункты, ідзе запіс", - расказаў Дзмітрый Піневіч.

У кіраўніка сферы на гэты момант няма хвалявання наконт забеспячэння ўстаноў і насельніцтва СІА і іншымі сродкамі, уключаючы антысептыкі. Па панядзелках у 8.30 кожны рэгіён удакладняе сітуацыю з запасамі неабходнага. Цяпер яны разлічаны на 2-2,5 месяца і пастаянна папаўняюцца. "Мінімум раз у тыдзень у кожнай вобласці звяраем гадзіннікі з усімі раёнамі па відэаселектары. Неабходныя прэпараты таксама ёсць, кіслародная гаспадарка працуе, усё трымаем на кантролі. Але паўтаруся: кожны з нас павінен адказна ставіцца да свайго здароўя, а таксама берагчы адзін аднаго, асабліва бацькоў", - адзначыў міністр аховы здароўя.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі