13 мая, Мінск /Кар. БЕЛТА/. Міністэрства аховы здароўя апублікавала пералік арганізацый аховы здароўя, якія маюць права праводзіць лабараторныя ПЛР-даследаванні на наяўнасць SARS-CoV-2 на платнай аснове для тых, хто выязджае за межы краіны, з выдачай вынікаў на рускай і англійскай мовах. Адпаведная інфармацыя размешчана на сайце міністэрства, паведамляе БЕЛТА.
Удакладняецца, што названыя лабараторыі праводзяць даследаванні на інфекцыю COVID-19 з перадачай вынікаў у сістэму "Падарожнічаю без COVID-19".
У прыватнасці, у Мінску і Мінскай вобласці правесці лабараторныя ПЛР-даследаванні на платнай аснове можна ў 17 лабараторыях, у тым ліку ў некаторых РНПЦ, бальніцах, цэнтрах гігіены, эпідэміялогіі і грамадскага здароўя. А, напрыклад, у Брэсцкай вобласці гэтыя паслугі прадастаўляюць цэнтры гігіены, эпідэміялогіі ў Брэсце, Баранавічах і Пінску.-0-