20 чэрвеня, Мінск /Кар. БЕЛТА/. Міністэрства аховы здароўя Беларусі ўнесла змяненні ў парадак правядзення вакцынацыі супраць COVID-19 насельніцтва, паведамляе БЕЛТА са спасылкай на прэс-службу Міністэрства аховы здароўя.
Гэта прадугледжана загадам нумар 704 ад 14 чэрвеня 2022 года, які ўносіць змяненні ў загад Міністэрства аховы здароўя нумар 412 ад 16 красавіка 2021 года.
Вызначана, што вакцынацыя ўключае правядзенне асноўнага (першаснага) курса і ўвядзенне бустарных доз вакцыны праз шэсць і больш месяцаў пасля закончанай асноўнай (першаснай) вакцынацыі і/або раней праведзенай бустарнай вакцынацыі. На бягучым этапе тактыка вакцынацыі ўключае ўвядзенне да 3-х бустарных доз з інтэрвалам не менш за шэсць месяцаў, адзначылі ў міністэрстве.
Удакладнены парадак выкарыстання вакцын для асноўнай (першаснай) і бустарнай вакцынацыі, парадак вакцынацыі пасля перанесенага COVID-19, парадак вакцынацыі супраць COVID-19 і правядзення прафілактычных прышчэпак у рамках нацыянальнага календара прафілактычных прышчэпак і пераліку прафілактычных прышчэпак па эпідэмічных паказаннях, а таксама парадак прымянення гетэралагічнай схемы вакцынацыі супраць COVID-19.
Устаноўлены мінімальныя мэтавыя ўзроўні вакцынацыі насельніцтва кожнага рэгіёна і краіны ў цэлым - не менш за 70 працэнтаў для асноўнай (першаснай) вакцынацыі, з іх не менш за 90 працэнтаў - бустарнай.-0-
