2 чэрвеня, Мінск /Кар. БЕЛТА/. Дасягнута дамоўленасць аб падпісанні пагаднення аб супрацоўніцтве паміж Міністэрствам аховы здароўя і кітайскай фармацэўтычнай кампаніяй "Джыфей", паведамілі БЕЛТА ў прэс-службе Міністэрства аховы здароўя.
Дэлегацыя Міністэрства аховы здароўя нашай краіны на чале з намеснікам міністра Барысам Андрасюком наведала фармацэўтычную кампанію "Джыфей" у Кітаі. У час візіту работнікі сістэмы аховы здароўя нашай краіны пазнаёміліся з вытворчасцю лекавых сродкаў у Кітаі і правялі перагаворы з кіраўніцтвам кампаніі.
"Мы дамовіліся аб прапрацоўцы кампаніяй "Джыфей" пытання стварэння ў індустрыяльным парку "Вялікі камень" біятэхналагічнага кластара па вытворчасці лекавых прэпаратаў, вакцын, інсуліну, CAR-T тэхналогій", - пракаменціраваў начальнік аддзела знешніх сувязей Міністэрства аховы здароўя Анатоль Грушкоўскі.
Праводзіцца работа па вызначэнні перспектыў лакалізацыі наменклатуры лекавых прэпаратаў кампаніі "Джыфей".-0-
