3 чэрвеня, Мінск /Кар. БЕЛТА/. Міністэрства аховы здароўя дало растлумачэнні трымальнікам рэгістрацыйных пасведчанняў аб падаваемых у Цэнтр экспертыз і выпрабаванняў у ахове здароўя (ЦЭВАЗ) дакументах, паведамляе БЕЛТА са спасылкай на прэс-службу міністэрства.
Растлумачэнні датычацца парадку прымянення асобных палажэнняў пастаноў нумар 51 ад 18 мая 2020 года "Аб устанаўленні пераліку дакументаў для правядзення комплексу папярэдніх тэхнічных работ" і нумар 100 ад 18 лістапада 2020 года "Аб патрабаваннях да дакументаў, якія складаюць рэгістрацыйнае дасье".
У Міністэрстве аховы здароўя звярнулі ўвагу, што заяўнік (трымальнік рэгістрацыйнага пасведчання) разам з пісьмовым зваротам можа прадстаўляць у РУП "Цэнтр экспертыз і выпрабаванняў у ахове здароўя" для правядзення праверкі рэгістрацыйнага дасье дакументы, выдадзеныя ўпаўнаважанымі органамі замежных дзяржаў у выглядзе копій, фотакопій, факсімільных паведамленняў, у лічбавым або іншым электронным выглядзе.
Пры гэтым абавязкова павінна быць гарантыйнае пісьмо аб прадастаўленні арыгіналаў або копій дакументаў, аформленых у адпаведнасці з патрабаваннямі да такіх дакументаў.
Растлумачэнні падрыхтаваны для недапушчэння парушэння тэрмінаў правядзення комплексу папярэдніх тэхнічных работ. Гэтыя работы папярэднічаюць дзяржаўнай рэгістрацыі (пацвярджэнню дзяржаўнай рэгістрацыі) лекавых сродкаў і лексродкаў у спрошчаным парадку, на перыяд распаўсюджвання неспрыяльнай эпідэміялагічнай сітуацыі, звязанай з COVID-19.-0-
