19 кастрычніка, Мінск /Кар. БЕЛТА/. Больш як 6,5 млн беларусаў прайшлі поўны курс вакцынацыі супраць COVID-19, паведамляе БЕЛТА са спасылкай на Telegram-канал Міністэрства аховы здароўя.
У Беларусі больш як 6,61 млн чалавек атрымалі адну дозу вакцыны супраць COVID-19, з іх больш як 6,5 млн чалавек прайшлі поўны курс вакцынацыі.
Завяршылі курс вакцынацыі ў Брэсцкай вобласці больш за 899,3 тыс. чалавек, Віцебскай - больш за 797,6 тыс., Гомельскай - больш за 983,3 тыс., Гродзенскай - больш за 702,6 тыс. У Мінску прайшлі поўны курс вакцынацыі больш за 1,31 млн чалавек, у Мінскай вобласці - больш за 996,2 тыс., Магілёўскай - больш за 695,2 тыс.
Таксама каля 114 тыс. супрацоўнікаў розных арганізацый і ведамстваў завяршылі курс вакцынацыі. Адну дозу вакцыны атрымалі больш за 214,7 тыс. дзяцей 5-17 гадоў, з іх больш як 190,2 тыс. прайшлі поўны курс вакцынацыі.
Такім чынам, ахоп адной дозай вакцыны склаў 71,4 працэнта ад агульнай колькасці насельніцтва краіны, поўным курсам вакцынацыі ахоплена 70,2 працэнта насельніцтва. Таксама праводзіцца бустарная вакцынацыя насельніцтва, ахоп якой складае 53,6 працэнта.-0-
