21 кастрычніка, Мінск /Кар. БЕЛТА/. Спецыялісты Міністэрства аховы здароўя распрацавалі новыя рэкамендацыі аб арганізацыі медыцынскай дапамогі пацыентам з інфекцыяй COVID-19. Рэкамендацыі замацаваны ў загадзе нумар 1106 ад 20 кастрычніка 2020 года, падпісаным выконваючым абавязкі міністра аховы здароўя Дзмітрыем Піневічам, паведамілі БЕЛТА ў прэс-службе Міністэрства аховы здароўя.
Дакумент падрыхтаваны на падставе практычнага вопыту медыцынскай дапамогі пацыентам з інфекцыяй COVID-19, улічваючы рэкамендацыі СААЗ, замежныя навуковыя публікацыі і матэрыялы.
У рэкамендацыях прапісаны, у прыватнасці, парадак лабараторнага абследавання пацыентаў на інфекцыю пры іх падрыхтоўцы да планавай шпіталізацыі, даследаванні, якія праводзяцца ў стацыянарных умовах. Агавораны парадак вядзення пацыентаў у аддзяленнях анестэзіялогіі і рэанімацыі, паказанні і проціпаказанні для назначэння плазмы імуннай анты-СОVID-19. Пазначаны парадак назначэння лекавых сродкаў пры аказанні медыцынскай дапамогі ў амбулаторных умовах.
У новай рэдакцыі зацверджана таксама інструкцыя аб парадку арганізацыі эпідэміялагічнага расследавання выпадкаў інфекцыі COVID-19, медыцынскага нагляду і аказання медыцынскай дапамогі кантактам I і II узроўняў.-0-
