15 жніўня, Мінск /Кар. БЕЛТА/. Школьнікі своечасова атрымаюць усе падручнікі, якія запланаваны да выдання ў бягучым годзе. Аб гэтым журналістам паведаміў начальнік упраўлення выдавецкай і паліграфічнай дзейнасці Міністэрства інфармацыі Уладзімір Андрыевіч, перадае карэспандэнт БЕЛТА.
"Цяпер у нас гарачая пара - трэба паспець да 1 верасня выдаць усе неабходныя падручнікі. Паліграфкамбінат і Дом друку - вядучыя нашы паліграфічныя прадпрыемствы - цяпер актыўна і эфектыўна працуюць над вырашэннем гэтага пытання, і школьнікі атрымаюць своечасова ўсе падручнікі, якія запланаваны да выдання ў бягучым годзе. Больш за 50 працэнтаў кнігавыдання Беларусі - гэта вучэбная і вучэбна-метадычная літаратура, гэта па найменнях. Што датычыцца тыражоў, то гэта больш за 70 працэнтаў. У мінулым годзе агульным тыражом вучэбных і вучэбна-метадычных выданняў убачыла свет больш за 15 млн экзэмпляраў. Гэта сведчыць аб тым, што беларусы - нацыя адукаваная, яна імкнецца да адукацыі, настаўніцка-выкладчыцкі склад актыўна працуе над тым, каб пашырыць веды дзяцей не толькі па падручніках, але і даць ім метадычны дапаможнік, дадатковую літаратуру, каб можна было працаваць дома, каб выявіць зацікаўленасць дзяцей нават у прафесійным плане", - расказаў Уладзімір Андрыевіч.
Ён прывёў прыклады найбольш папулярных сярод вучняў і іх бацькоў рубрык і тэм. "Гэта серыя "Школьная бібліятэка", якая выдаецца па ўзгадненні з Міністэрствам адукацыі. У яе ўваходзяць менавіта тыя творы, якія вывучаюцца і ў навучальным працэсе, і на пазакласным чытанні, як дадатковы матэрыял. Шмат мастацкай літаратуры ў зборніках, у гэтым годзе яны прысвечаны 80-годдзю вызвалення Беларусі. У нас ёсць творы на беларускай мове, што вельмі важна для падрастаючага пакалення, каб моладзь адчувала, што Беларусь - суверэнная дзяржава. У выдавецтва "Беларусь" вельмі папулярная серыя "Гісторыі для школьнікаў", як дадатковы матэрыял па вывучэнні гістарычных навук. Таксама ёсць серыя "Беларуская дзіцячая энцыклапедыя", не толькі для малодшага школьнага ўзросту, яна падыходзіць і для сярэдняга школьнага ўзросту, і для старэйшага", - адзначыў начальнік упраўлення.
Уладзімір Андрыевіч дадаў, што дзяржава вельмі падтрымлівае выданне вучэбна-метадычнай і дадатковай літаратуры.-0-
"Цяпер у нас гарачая пара - трэба паспець да 1 верасня выдаць усе неабходныя падручнікі. Паліграфкамбінат і Дом друку - вядучыя нашы паліграфічныя прадпрыемствы - цяпер актыўна і эфектыўна працуюць над вырашэннем гэтага пытання, і школьнікі атрымаюць своечасова ўсе падручнікі, якія запланаваны да выдання ў бягучым годзе. Больш за 50 працэнтаў кнігавыдання Беларусі - гэта вучэбная і вучэбна-метадычная літаратура, гэта па найменнях. Што датычыцца тыражоў, то гэта больш за 70 працэнтаў. У мінулым годзе агульным тыражом вучэбных і вучэбна-метадычных выданняў убачыла свет больш за 15 млн экзэмпляраў. Гэта сведчыць аб тым, што беларусы - нацыя адукаваная, яна імкнецца да адукацыі, настаўніцка-выкладчыцкі склад актыўна працуе над тым, каб пашырыць веды дзяцей не толькі па падручніках, але і даць ім метадычны дапаможнік, дадатковую літаратуру, каб можна было працаваць дома, каб выявіць зацікаўленасць дзяцей нават у прафесійным плане", - расказаў Уладзімір Андрыевіч.
Ён прывёў прыклады найбольш папулярных сярод вучняў і іх бацькоў рубрык і тэм. "Гэта серыя "Школьная бібліятэка", якая выдаецца па ўзгадненні з Міністэрствам адукацыі. У яе ўваходзяць менавіта тыя творы, якія вывучаюцца і ў навучальным працэсе, і на пазакласным чытанні, як дадатковы матэрыял. Шмат мастацкай літаратуры ў зборніках, у гэтым годзе яны прысвечаны 80-годдзю вызвалення Беларусі. У нас ёсць творы на беларускай мове, што вельмі важна для падрастаючага пакалення, каб моладзь адчувала, што Беларусь - суверэнная дзяржава. У выдавецтва "Беларусь" вельмі папулярная серыя "Гісторыі для школьнікаў", як дадатковы матэрыял па вывучэнні гістарычных навук. Таксама ёсць серыя "Беларуская дзіцячая энцыклапедыя", не толькі для малодшага школьнага ўзросту, яна падыходзіць і для сярэдняга школьнага ўзросту, і для старэйшага", - адзначыў начальнік упраўлення.
Уладзімір Андрыевіч дадаў, што дзяржава вельмі падтрымлівае выданне вучэбна-метадычнай і дадатковай літаратуры.-0-
Падпісвайцеся на нас у
