ДЗЯРЖОРГАНЫДЗЯРЖОРГАНЫ
Флаг Нядзеля, 26 верасня 2021
Мінск Ясна +14°C
Усе навіны
Усе навіны
Грамадства
22 чэрвеня 2021, 15:38

Мінінфарм растлумачыў уводзімыя з 26 чэрвеня змяненні ў законы па пытаннях СМІ

Фота з архіва
Фота з архіва

22 чэрвеня, Мінск /Кар. БЕЛТА/. Начальнік упраўлення прававога забеспячэння і кантролю за выкананнем заканадаўства Мінінфарма Вікторыя Мялешка пракаменціравала сёння журналістам змяненні ў законы па пытаннях сродкаў масавай інфармацыі, якія ўводзяцца з 26 чэрвеня, перадае карэспандэнт БЕЛТА.

У закон ад 17 ліпеня 2008 года нумар 427-З "Аб сродках масавай інфармацыі" ўнесены карэкціроўкі. Гэта прадугледжана законам нумар 110-З "Аб змяненні законаў па пытаннях сродкаў масавай інфармацыі" ад 24 мая 2021 года.

Пашыраны пералік суб'ектаў гаспадарання, якія не могуць выступаць у якасці заснавальнікаў СМІ. У прыватнасці, з 26 чэрвеня да такой катэгорыі будуць аднесены ўладальнікі інтэрнэт-рэсурсаў, сеткавых выданняў, у адносінах да якіх было прынята рашэнне аб абмежаванні доступу, яно будзе дзейнічаць на працягу трох гадоў. На працягу пяці гадоў не змогуць таксама звяртацца за рэгістрацыяй асобы, якія раней выступалі ў якасці ўдзельніка (уласніка маёмасці) арганізацыі, прызнанай экстрэмісцкай.

Ёсць карэкціроўкі, што датычацца рэгістрацыі СМІ, а таксама вядзення Дзяржаўнага рэестра сродкаў масавай інфармацыі. "Удакладнены працэдуры прадастаўлення паведамленняў аб змяненні звестак, якія падлягаюць уключэнню ў рэестр СМІ, а таксама падстава і парадак вяртання гэтых паведамленняў, - растлумачыла Вікторыя Мялешка. - Акрамя таго, з 26 чэрвеня назва пасады кіраўніка СМІ будзе гучаць як "галоўны рэдактар сродку масавай інфармацыі".

Начальнік упраўлення звярнула ўвагу на тое, што юрыдычныя асобы, на якія ўскладзены функцыі рэдакцыі СМІ, абавязаны не дапускаць распаўсюджвання інфармацыі, якую гэты закон і іншыя заканадаўчыя акты забараняюць распаўсюджваць. Журналісты павінны не дапускаць распаўсюджвання недакладных звестак, што могуць нанесці шкоду дзяржаўным або грамадскім інтарэсам, а таксама інфармацыі, якая не адпавядае рэчаіснасці і знеслаўляе гонар, годнасць або дзелавую рэпутацыю фізічных ці юрыдычных асоб.

Журналіст можа быць пазбаўлены акрэдытацыі, калі парушыў патрабаванні і (або) не выканаў абавязкі, устаноўленыя арт. 34 і п. 2 арт. 52 гэтага закона; учыніў наўмыснае проціпраўнае дзеянне пры ажыццяўленні прафесійнай дзейнасці; парушыў устаноўлены парадак акрэдытацыі. Гэта таксама датычыцца выпадкаў, калі юрыдычнай асобай, на якую ўскладзены функцыі рэдакцыі СМІ, парушаны парадак акрэдытацыі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі