Мабільная версія
ДЗЯРЖОРГАНЫ

Апошнія навіны
Усе навіны

Мінімальная зарплата ў Беларусі павышаецца да Br305

Грамадства 29.12.2017 | 19:46
Фота з архіва
Фота з архіва

29 снежня, Мінск /Кар. БЕЛТА/. У Беларусі з 1 студзеня пастановай Савета Міністраў ад 28 снежня 2017 года нумар 1022 месячная мінімальная заработная плата (МЗП) павялічваецца да Br305. Аб гэтым паведамілі карэспандэнту БЕЛТА ў Міністэрстве працы і сацыяльнай абароны.

З 1 студзеня 2017 года месячная МЗП была ўстаноўлена ўрадам у памеры Br265.

Наймальнік абавязаны прымяняць мінімальную зарплату (месячную і пагадзінную) у якасці ніжэйшай мяжы аплаты працы работнікаў за работу ў нармальных умовах на працягу нармальнай працягласці рабочага часу пры выкананні абавязкаў работніка, якія вынікаюць з заканадаўства, лакальных нарматыўных прававых актаў і працоўнага дагавора. Пры гэтым мінімальная зарплата (месячная і пагадзінная) прымяняецца з улікам адпрацаванага рабочага часу.

Прававая аснова вызначэння памеру МЗП і яе прымянення рэгламентавана законам "Аб устанаўленні і парадку павышэння мінімальнай заработнай платы". Дзеянне закона распаўсюджваецца на ўсіх работнікаў і наймальнікаў, якія заключылі працоўны дагавор на тэрыторыі рэспублікі.

Памер месячнай МЗП устанаўліваецца Саўмінам штогод з 1 студзеня. Калектыўным дагаворам (пагадненнем) можа быць устаноўлены іншы памер, але не ніжэйшы за МЗП, устаноўленую ў адпаведнасці з законам. Месячная мінімальная зарплата на працягу года падлягае індэксацыі ў парадку, прадугледжаным для індэксацыі даходаў, атрыманых з бюджэтных крыніц, у адпаведнасці з заканадаўствам аб індэксацыі даходаў насельніцтва з улікам інфляцыі.

Памер пагадзіннай мінімальнай зарплаты вызначаецца наймальнікам шляхам падзелу памеру месячнай МЗП на суадносіны разліковай нормы рабочага часу каляндарнага года, устаноўленай для адпаведных катэгорый работнікаў наймальнікам, і колькасці месяцаў каляндарнага года. Пагадзінная МЗП змяняецца наймальнікам пры змяненні месячнай мінімальнай заработнай платы, у тым ліку ў сувязі з індэксацыяй яе памеру. Месячная мінімальная зарплата прымяняецца ў адносінах да работнікаў, аплата працы якіх праводзіцца на аснове месячных тарыфных ставак (акладаў, службовых акладаў). Пагадзінная мінімальная заработная плата прымяняецца ў адносінах да работнікаў, аплата працы якіх праводзіцца на аснове пагадзінных тарыфных ставак (акладаў, службовых акладаў).-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

ID-картка беларуса ID-картка - дакумент, які засведчвае асобу, для карыстання ўнутры краіны. Лічбавы аналаг пашпарта плануецца пачаць выдаваць у 2019 годзе.