Фота з архіва
6 верасня, Мінск /Кар. БЕЛТА/. Кірмашовы сезон у сталіцы прадоўжыцца да 1 снежня. Аб гэтым расказала журналістам на прэс-канферэнцыі аб арганізацыі кірмашоў у сталіцы і Мінскай вобласці начальнік галоўнага ўпраўлення гандлю і паслуг Мінгарвыканкама Алена Нагорная.
"У бягучым годзе кірмашы ў сталіцы пачнуць сваю работу з сярэдзіны верасня. Нягледзячы на тое што 14 верасня мы святкуем Дзень горада і асобныя лакацыі будуць заняты, для задавальнення спажывецкага попыту жыхароў сталіцы і магчымасці для вытворцаў рэалізаваць вырабленую прадукцыю прынята рашэнне даць старт кірмашоваму сезону ў гэту ж дату. А завершыцца ён 1 снежня, калі свае карэктывы не ўнясе надвор'е. Па санітарных нормах рэалізацыя прадукцыі на адкрытым паветры можа ажыццяўляцца пры тэмпературы не ніжэйшай за нуль градусаў", - адзначыла Алена Нагорная.
Як паведамлялася раней, цэнтральнай кірмашовай лакацыяй выхаднога дня ў сталіцы застанецца пляцоўка каля "Чыжоўка-Арэны", якая зручная не толькі для пакупнікоў, але і для вытворцаў з улікам вялікай колькасці парковачных месцаў.
"Адкрыюцца кірмашы і ў кожным раёне горада Мінска. Час і лакацыі ўжо вызначаны, і з імі можна будзе азнаёміцца на сайтах Мінгарвыканкама і адміністрацый раёнаў", - распавяла Алена Нагорная.
Што датычыцца ўдзельнікаў кірмашоў, то сваю прадукцыю прапануюць вытворцы рэспублікі - прадпрыемствы мясамалпрама ўсіх абласцей, Белкаапсаюза, фермеры і фізічныя асобы, якія прадаставяць дакументы, якія пацвярджаюць, што плодаагароднінная прадукцыя вырашчана на іх участках, і інш.
"Акрамя таго, у горадзе Мінску будзе арганізавана штодзённая работа 99 пляцовак па рэалізацыі мясцовай сельгаспрадукцыі. Не заўсёды жыхары паспяваюць у выхадныя набыць сезонны тавар, і ў іх будзе магчымасць гэта зрабіць на такіх пляцоўках сярод тыдня. Іх лакацыі вызначаны зыходзячы з просьбаў насельніцтва, асабліва пажылога, але без шкоды руху і добраўпарадкаванню. Іх работа пачнецца з 16 верасня і прадоўжыцца па 17 лістапада", - адзначыла начальнік галоўнага ўпраўлення.-0-
"У бягучым годзе кірмашы ў сталіцы пачнуць сваю работу з сярэдзіны верасня. Нягледзячы на тое што 14 верасня мы святкуем Дзень горада і асобныя лакацыі будуць заняты, для задавальнення спажывецкага попыту жыхароў сталіцы і магчымасці для вытворцаў рэалізаваць вырабленую прадукцыю прынята рашэнне даць старт кірмашоваму сезону ў гэту ж дату. А завершыцца ён 1 снежня, калі свае карэктывы не ўнясе надвор'е. Па санітарных нормах рэалізацыя прадукцыі на адкрытым паветры можа ажыццяўляцца пры тэмпературы не ніжэйшай за нуль градусаў", - адзначыла Алена Нагорная.
Як паведамлялася раней, цэнтральнай кірмашовай лакацыяй выхаднога дня ў сталіцы застанецца пляцоўка каля "Чыжоўка-Арэны", якая зручная не толькі для пакупнікоў, але і для вытворцаў з улікам вялікай колькасці парковачных месцаў.
"Адкрыюцца кірмашы і ў кожным раёне горада Мінска. Час і лакацыі ўжо вызначаны, і з імі можна будзе азнаёміцца на сайтах Мінгарвыканкама і адміністрацый раёнаў", - распавяла Алена Нагорная.
Што датычыцца ўдзельнікаў кірмашоў, то сваю прадукцыю прапануюць вытворцы рэспублікі - прадпрыемствы мясамалпрама ўсіх абласцей, Белкаапсаюза, фермеры і фізічныя асобы, якія прадаставяць дакументы, якія пацвярджаюць, што плодаагароднінная прадукцыя вырашчана на іх участках, і інш.
"Акрамя таго, у горадзе Мінску будзе арганізавана штодзённая работа 99 пляцовак па рэалізацыі мясцовай сельгаспрадукцыі. Не заўсёды жыхары паспяваюць у выхадныя набыць сезонны тавар, і ў іх будзе магчымасць гэта зрабіць на такіх пляцоўках сярод тыдня. Іх лакацыі вызначаны зыходзячы з просьбаў насельніцтва, асабліва пажылога, але без шкоды руху і добраўпарадкаванню. Іх работа пачнецца з 16 верасня і прадоўжыцца па 17 лістапада", - адзначыла начальнік галоўнага ўпраўлення.-0-
Падпісвайцеся на нас у
