2 жніўня, Мінск /Кар. БЕЛТА/. Пастановай Міністэрства архітэктуры і будаўніцтва ад 3 чэрвеня 2024 года нумар 65 уносяцца змяненні ў інструкцыю аб парадку аказання інжынерных паслуг, паведамляе БЕЛТА са спасылкай на Нацыянальны прававы інтэрнэт-партал.
Інструкцыя вызначае парадак аказання інжынерам або інжынернай арганізацыяй інжынерных паслуг заказчыку і забудоўшчыку, а таксама рэгулюе дзейнасць інжынера або інжынернай арганізацыі ў працэсе рэалізацыі дагавора.
Інжынер (інжынерная арганізацыя) мае права выконваць функцыі заказчыка або іх частку, калі ў адпаведнасці з прававымі актамі і рашэннямі, пазначанымі ў Кодэксе аб архітэктурнай, горадабудаўнічай і будаўнічай дзейнасці, не прадугледжаны абавязак заказчыка ажыццяўляць будаўнічую дзейнасць без прыцягнення інжынера (інжынернай арганізацыі). Забудоўшчык прыцягвае інжынера (інжынерную арганізацыю) для тэхнічнага нагляду, а таксама пры неабходнасці аказання іншых інжынерных паслуг, у тым ліку па комплексным кіраванні будаўнічай дзейнасцю.
Выбар інжынера (інжынернай арганізацыі) праводзіцца з захаваннем патрабаванняў заканадаўства аб закупках і з улікам умоў, прадугледжаных пунктам Кодэкса аб архітэктурнай, горадабудаўнічай і будаўнічай дзейнасці.
Адносіны паміж заказчыкам, забудоўшчыкам і інжынерам (інжынернай арганізацыяй) рэгулююцца дагаворам на аказанне інжынерных паслуг. Інжынер (інжынерная арганізацыя) пачынае аказанне паслуг на падставе дагавора, калі дасягнута пагадненне: па прадмеце дагавора, у тым ліку пераліку інжынерных паслуг; правах і абавязках бакоў; дагаворнай цане паслуг; парадку разлікаў; крыніцах фінансавання; адказнасці бакоў; парадку здачы-прыёмкі аказаных паслуг; тэрміне аказання інжынерных паслуг.
Пры заключэнні дагавора на аказанне інжынерных паслуг, які прадугледжвае ажыццяўленне комплекснага кіравання будаўнічай дзейнасцю, фінансуемых поўнасцю або часткова за кошт бюджэтных сродкаў, дадаткова дасягаецца пагадненне: па найменні і месцазнаходжанні аб'екта будаўніцтва; асноўных тэхніка-эканамічных характарыстыках аб'екта будаўніцтва, у тым ліку гранічным кошце будаўніцтва (бюджэт праекта); тэрміне завяршэння будаўніцтва; адказнасці інжынера (інжынернай арганізацыі) за дасягненне асноўных тэхніка-эканамічных характарыстык аб'екта будаўніцтва, у тым ліку неперавышэнне гранічнага кошту будаўніцтва (бюджэту праекта) і выкананне тэрмінаў завяршэння будаўніцтва. Кожны бок мае права ўнесці прапановы аб уключэнні ў дагавор на аказанне інжынерных паслуг іншых умоў, якія не супярэчаць заканадаўству.
Па дагаворы на аказанне інжынерных паслуг, які прадугледжвае комплекснае кіраванне будаўнічай дзейнасцю, інжынер (інжынерная арганізацыя) прымае рашэнні ад імя заказчыка, забудоўшчыка ва ўзаемаадносінах з падрадчыкамі, а таксама забяспечвае дасягненне асноўных тэхніка-эканамічных характарыстык аб'екта будаўніцтва, у тым ліку гранічнага кошту будаўніцтва (бюджэту праекта) і выкананне тэрмінаў завяршэння будаўніцтва (адносна аб'ектаў будаўніцтва, што фінансуюцца поўнасцю або часткова за кошт бюджэтных сродкаў). Рашэнні інжынера (інжынернай арганізацыі) пры рэалізацыі дагавора на аказанне інжынерных паслуг маюць такую ж сілу і прыводзяць да тых жа вынікаў для падрадчыка, што і рашэнні заказчыка, забудоўшчыка, якія прымаюцца ў адпаведнасці з заканадаўствам.
Пастанова ўступае ў сілу пасля яе афіцыйнага апублікавання. Дагаворы на аказанне інжынерных паслуг, заключаныя да ўступлення ў сілу гэтай пастановы, дзейнічаюць на працягу пазначанага ў іх тэрміну і не падлягаюць прывядзенню ў адпаведнасць з апісанымі патрабаваннямі.-0-
Інструкцыя вызначае парадак аказання інжынерам або інжынернай арганізацыяй інжынерных паслуг заказчыку і забудоўшчыку, а таксама рэгулюе дзейнасць інжынера або інжынернай арганізацыі ў працэсе рэалізацыі дагавора.
Інжынер (інжынерная арганізацыя) мае права выконваць функцыі заказчыка або іх частку, калі ў адпаведнасці з прававымі актамі і рашэннямі, пазначанымі ў Кодэксе аб архітэктурнай, горадабудаўнічай і будаўнічай дзейнасці, не прадугледжаны абавязак заказчыка ажыццяўляць будаўнічую дзейнасць без прыцягнення інжынера (інжынернай арганізацыі). Забудоўшчык прыцягвае інжынера (інжынерную арганізацыю) для тэхнічнага нагляду, а таксама пры неабходнасці аказання іншых інжынерных паслуг, у тым ліку па комплексным кіраванні будаўнічай дзейнасцю.
Выбар інжынера (інжынернай арганізацыі) праводзіцца з захаваннем патрабаванняў заканадаўства аб закупках і з улікам умоў, прадугледжаных пунктам Кодэкса аб архітэктурнай, горадабудаўнічай і будаўнічай дзейнасці.
Адносіны паміж заказчыкам, забудоўшчыкам і інжынерам (інжынернай арганізацыяй) рэгулююцца дагаворам на аказанне інжынерных паслуг. Інжынер (інжынерная арганізацыя) пачынае аказанне паслуг на падставе дагавора, калі дасягнута пагадненне: па прадмеце дагавора, у тым ліку пераліку інжынерных паслуг; правах і абавязках бакоў; дагаворнай цане паслуг; парадку разлікаў; крыніцах фінансавання; адказнасці бакоў; парадку здачы-прыёмкі аказаных паслуг; тэрміне аказання інжынерных паслуг.
Пры заключэнні дагавора на аказанне інжынерных паслуг, які прадугледжвае ажыццяўленне комплекснага кіравання будаўнічай дзейнасцю, фінансуемых поўнасцю або часткова за кошт бюджэтных сродкаў, дадаткова дасягаецца пагадненне: па найменні і месцазнаходжанні аб'екта будаўніцтва; асноўных тэхніка-эканамічных характарыстыках аб'екта будаўніцтва, у тым ліку гранічным кошце будаўніцтва (бюджэт праекта); тэрміне завяршэння будаўніцтва; адказнасці інжынера (інжынернай арганізацыі) за дасягненне асноўных тэхніка-эканамічных характарыстык аб'екта будаўніцтва, у тым ліку неперавышэнне гранічнага кошту будаўніцтва (бюджэту праекта) і выкананне тэрмінаў завяршэння будаўніцтва. Кожны бок мае права ўнесці прапановы аб уключэнні ў дагавор на аказанне інжынерных паслуг іншых умоў, якія не супярэчаць заканадаўству.
Па дагаворы на аказанне інжынерных паслуг, які прадугледжвае комплекснае кіраванне будаўнічай дзейнасцю, інжынер (інжынерная арганізацыя) прымае рашэнні ад імя заказчыка, забудоўшчыка ва ўзаемаадносінах з падрадчыкамі, а таксама забяспечвае дасягненне асноўных тэхніка-эканамічных характарыстык аб'екта будаўніцтва, у тым ліку гранічнага кошту будаўніцтва (бюджэту праекта) і выкананне тэрмінаў завяршэння будаўніцтва (адносна аб'ектаў будаўніцтва, што фінансуюцца поўнасцю або часткова за кошт бюджэтных сродкаў). Рашэнні інжынера (інжынернай арганізацыі) пры рэалізацыі дагавора на аказанне інжынерных паслуг маюць такую ж сілу і прыводзяць да тых жа вынікаў для падрадчыка, што і рашэнні заказчыка, забудоўшчыка, якія прымаюцца ў адпаведнасці з заканадаўствам.
Пастанова ўступае ў сілу пасля яе афіцыйнага апублікавання. Дагаворы на аказанне інжынерных паслуг, заключаныя да ўступлення ў сілу гэтай пастановы, дзейнічаюць на працягу пазначанага ў іх тэрміну і не падлягаюць прывядзенню ў адпаведнасць з апісанымі патрабаваннямі.-0-
Падпісвайцеся на нас у
